Sámenuoraid dáiddadáhpáhus ja Nuorra Kultuvra On Air Anár giđđat 2024

Sámenuoraid dáiddadáhpáhus lágiduvvo Anáris 24.-25.4.2024. Dáhpáhusas válljejuvvo ovddasteaddji Nuorra Kultuvra On Air Anár-dáhpáhussii, mii lágiduvvo 11.5.2024.

Tanssija lavalla.
Govva: Ville Fofonoff

Sámediggi lágida jagi 2024 sámenuoraid dáiddadáhpáhusa Anáris, sámekulturguovddáš Sajosis 24.-25.4.2024. Sámenuoraid dáiddadáhpáhusas válljejuvvo ovddasteaddji riikkaviidosaš Nuorra Kultuvra-dáhpáhussii, mii lágiduvvo oassedáhpáhussan guđa sierra báikegottis lávvardaga 11.5.2024. Davimus oassedáhpáhus Nuorra Kultuvra On Air Anár lágiduvvo sámekulturguovddáš Sajosis.

Sámenuoraid dáiddadáhpáhusas leat riikkaviidosaš dáhpáhusa mielde njeallje temá: ovdanbukti dáiddašládjan leat dánsa ja sámi árbevirolaš vokálamusihkkašlájat leudd, livđe ja luohti. Lassin temán leat oanehis video sámi kulturárbevierus ja maid govvadáidda, mas fáddán kulturbiras. Juohke temás leat golbma ahkeluohká: 6-8-jahkásaččat, 9-12-jahkásaččat ja 13-20-jahkásaččat. Dáiddadáhpáhus lea rabas temáide oassálasti vuođđoskuvlla ja nuppi ceahki sámeoahpahusa mánáide ja nuoraide.

Sámenuoraid dáiddadáhpáhusa 2024 njuolggadusat:

1. Sámenuoraid dáiddadáhpáhussii sáhttet searvat 6-20-jahkásaš mánát ja nuorat, geat leat vuođđoskuvlla ja nuppi ceahki sámeoahpahusas.

2. Dáiddadáhpáhusa gielat leat nuortalaš-, anáraš- ja davvisámegiella.

3. Dáiddadáhpáhusas leat njeallje temá (oasit 4-7).

4. Oanehis video

  • Oanehis video fáddán lea sámi árbevirolaš diehtu (árbevierru, árbediehtu).
  • Ráva: Leatgo oahppan sámi árbevirolaš bargguid dahje dáidduid? Máŋggat ealáhusaid, duoji, báikenamaid, juoigama, jáhkuid ja luonddus johtima bargovuogit sisttisdollet sámi árbedieđu. Ovdanbuvtte video bokte sámi árbedieđu ja iežat searvama árbevieru oahppamii dahje sirdimii.
  • Videos galgá ovdanbuktit sisdoalu, mii laktása sámi sámi árbedihtui ja -dáidduide. Dat sáhttá leat ráddjejuvvon ovtta fáddii dahje viidát muitaleapmái fáttá birra.
  • Videos sáhttet leat earáge olbmot, go oassálasti ieš.
  • Video govvejuvvo telefovnnain dahje dihtordulbosiin (tableahtta). Video sáhttá leat ceaggut dahje láskkodásis.
  • Video sáhttá leat eanemustá 3 minuhta guhkki.

5. Govvadáidda

  • Govvadáidaga fáddán lea sápmelaš kulturduovdda ja kulturbiras.
  • Ráva: Orutgo guollečáziid lahka vai duottarguovllus? Dieđátgo mo báiki lea ožžon namas? Makkár lea sápmelaš duovdda? Makkár sámi jahkodatjohtui gullevaš bargguid bargat dihto báikkiin?
  • Govva dahkko govvadáidaga vugiiguin. Govva sáhttá leat ollašuhtton málagovvan (akryla, olju dahje akvarealla), sárgumiin (ivdnekriita, tušša dahje čitna) seahkalas teknihkain (sierra teknihkaid ovttastahttin)
  • Bargui eai geavahuvvo dihtorprográmmat.
  • Barggu sturrodat: A 3.

6. Leuʹdd, livđe, luohti

  • Luohti livđe dahje leuʹdd ovdanbukto okto dahje joavkkus.
  • Ovdanbuktimis sáhttá leat juogo okta dahje eanet go okta luohti, livđe ja/dahje leudd.
  • Ovdanbuktimis sáhttá leat mielde  čuodjaldahttin jos háliida. Duogášbátti geavaheapmi ii leat lobálaš.
  • Ovdanbuktin sáhttá leat eanemustá 5 minuhta guhkki.

7. Dánsa

  • Dánsašládja lea friddja ja dan sáhttá ovdanbuktit okto dahje joavkkus. Dánssa fáddá lea friddja.
  • Dánsa ovdanbukto duogášbáttiin. Duogášbáddi sáhttá leat sámemusihkka dahje jietnamáilbmi. Duogášbáddi, mii geavahuvvo, sáhttá leat ieš ráhkaduvvon dahje gean nu eará dáiddaduodji.
  • Duogášbáddi, mii geavahuvvo ovdanbuktimis, doaimmahuvvo dáhpáhusa lágideaddjái ovddalgihtii.
  • Ovdanbuktin sáhttá leat eanemustá 5 minuhta guhkki.

8. Buot šlájain leat golbma ahkesuorggi:

  • 6–8-jahkásaččat
  • 9–12-jahkásaččat
  • 13–20-jahkásaččat

9. Vuollel 13-jahkásaččat sáhttet searvat, jos dievas agat olmmoš stivre sin.

Nuorra Kultuvra On Air

Lassedieđut:

Bigga-Helena Magga, skuvlenčálli
bigga-helena.magga(at)samediggi.fi
010 839 3121


Juoge siiddu ovddosguvlui

Eará ođđasat