Sämitige ornijdemčuákkim Anarist 30.–31.1.2024
Toimâpajan 2024–2027 asâttum Sämitige ornijdemčuákkim tuálloo 30.–31.1.2024 Sajosist, Anarist. Čuákkim álgá 30.1.2024 tme 10.
Toimâpajan 2024–2027 asâttum Sämitige puárásumos jeessân Anu Avaskari tuáimá Sämitige vuossâmuu čuákkim čuákánkoččon. Čuákkim tuálloo 30.1.2024 tme 10–19 ja 31.1.2024 tme 9–16.
Ornijdemčuákkimist Sämitigge väljee koskâvuođâstis saavâjođetteijee já kyehti värisaavâjođetteijee, aasât stiivrâ sehe äššitobdeelävdikuudijd já tuálá vuolgâttâssavâstâllâm Sämitige toimâm- já ruttâtuáluohjelm 2024–2027 vuáđđusijn já siskálduvâst.
Sämitige čuákkim oovdâst Sämitige alemus meridemvääldi. Tot čokkân 4–5 keerdi ivveest. Sämitige čuákkimeh láá almoliih já taid puáhtá čuávvuđ pääihi alne parlamentsalist teikâ Zoom-webinaar peht. Parlamentsalist tulkkumpiergâseh láá almolávt kiävtust. Njuolgâ vuolgâttâs peht puáhtá kuldâliđ meid tulkkum. Čuákkimäššikirjeh láá dokumentijn tääbbin.
