Sääʹmteeʹǧǧ riâššõõttâmsååbbar Aanrest 30.–31.1.2024
Toiʹmmjempââʹjjen 2024–2027 šiõttuum Sääʹmteeʹǧǧ riâššõõttâmsååbbar ââʹnet 30.–31.1.2024 Sajoozzâst, Aanrest. Sååbbar älgg 30.1.2024 čiâss 10.
Tuåimmpââjas 2024–2027 šiõttuum Sääʹmteeʹǧǧ puärrsõmâs vuäzzlaž Anu Avaskari tuåimmai Sääʹmteeʹǧǧ vuõssmõs såbbar kåččjen. Sååbbar ââʹnet 30.1.2024 čiâss 10–19 ja 31.1.2024 čiâss 9–16.
Riâššõõttâmsåbbrest Sääʹmteeʹǧǧ vaʹlljad kõskkvuõđstes saǥǥjååʹđteei da kuõʹhtt väärrsaaǥǥjååʹđteei, siõttat halltõõzz da äʹšštobddiluʹvddkooʹddid da âânn vuõltteemsaǥstõõllmõõžž Sääʹmteeʹǧǧ toiʹmmjem- da täällprogramm 2024–2027 vuâđain da siiskõõzzâst.
Sääʹmteeʹǧǧ sååbbar eeʹttkâstt Sääʹmteeʹǧǧ pââimõs mieʹrreemvääʹld. Tõt noorââtt 4–5 vuâra eeʹjjest. Sääʹmteeʹǧǧ såbbar lie õlmmâz da tõid vuäitt seuʹrrjed pääiʹǩ âʹlnn parlameʹnttkueʹrncest leʹbe Zoom webinaar pääiʹǩ. Parlameʹnttkueʹrncest tuʹlǩǩeemaparaatt lie ǩiõččji ââʹnnmest. Vuõigg vuõlttõõzz pääiʹǩ lij vueiʹtlvaž kulddled tuʹlǩǩuum ǩiõl kueʹrncest kullum ǩiõl lââʹssen. Sååbbaräʹššǩeeʹrj käunnʼje dokumeeʹntin tääiʹben.
