Sámedikki ortniiduvvančoahkkin Anáris 30.–31.1.2024
Doaibmabadjái 2024–2027 ásahuvvon Sámedikki ortniiduvvančoahkkin dollojuvvo 30.–31.1.2024 Sajosis, Anáris. Čoahkkin álgá 30.1.2024 dmu 10.
Doaibmabadjái 2024–2027 ásahuvvon Sámedikki boarráseamos lahttu Anu Avaskari doaibmá Sámedikki vuosttas čoahkkima čoahkkáibovdejeaddjin. Čoahkkin dollojuvvo 30.1.2024 dmu 10–19 ja 31.1.2024 dmu 9–16.
Ortniiduvvančoahkkimis Sámediggi vállje gaskavuođastis ságadoalli ja guokte várreságadoalli, ásaha stivrra sihke áššedovdilávdegottiid ja čađaha sáttaságastallama Sámedikki válgabaji doaibma- ja ekonomiijaplána 2024–2027 vuođustusain ja sisdoalus.
Sámedikki čoahkkin ovddasta Sámedikki bajimuš mearridanválddi. Dat čoahkkana 4–5 geardde jagis. Sámedikki čoahkkimat leat almmolačča ja daid sáhttá čuovvut báikki alde parlameantasáles dahje Zoom-webinára bokte. Parlameantasáles dulkonrusttegat leat guldaleaddjiid anus. Njuolggosáddagis lea maid vejolašvuohta guldalit dulkoma. Čoahkkináššegirjjit gávdnojit dokumeanttain dáppe.
