Sämitige ornijdemčuákkim tuálloo Anarist 23.9.2024

Sämitige pargo-oornig 55 § mield uđđâ Sämitige vuossâmuš čuákkim kočo čuákán jeessân, kote lii kuhemustáá toimâm Sämitige jesânin. Toimâpajan 1.9.2024–31.12.2027 asâttum Sämitige vuossâmuu čuákkim čuákánkoččon tuáimá Anne Nuorgam. Čuákánkoččoo miärádâs mield Sämitige ornijdemčuákkim tuálloo 23.9.2024 tme 10 rääjist Saijoosist, Anarist. Čuákkim juátkoo táárbu mield 24.9.2024.

Ornijdemčuákkimist Sämitigge väljee juávhustis saavâjođetteijee já kyehti värisaavâjođetteijee, aasât stiivrâ, äššitobdeelävdikuuvijd sehe eres toimâorgaanijd já kieđâvuš Sämitige valjâpaje toimâohjelm 2024–2027.

Sämitige čuákkim oovdâst Sämitige alemus meridemvääldi. Tot čokkân 4–5 keerdi ivveest. Čuákkimeh láá almoliih já taid puáhtá čuávvuđ pääihi alne parlamentsalist tâi Zoom-webinaar peht. Parlamentsali tulkkumpiergâseh láá almolávt kiävtust. Njuolgâ vuolgâttâs peht puáhtá kuldâliđ tulkkum kielâ salist kullum kielâ lasseen. Sämitige almosčuákkimeh tulkkojuvvojeh suomâkielân já puoh kuulmâ Suomâst ellee sämikielân (nuorttâlâš-, anarâš- já tavesämikielâ). Čuákkimäššikirjeh kávnojeh dokumentijn tääbbin.

Lasetiäđuh:
Pia Ruotsala-Kangasniemi
Haldâttâhhovdâ
010 839 3106 / 040 726 2688
pia.ruotsala@samediggi.fi