Sämitigge almoot uuccâmnáál kielâašijčällee virge

Kielâašijčällee pargoh láá miäruštâllum Sämitige pargo-oornig 35 §:st. Kielâašijčällee pargon lii ei. hoittáđ säämi kielâoovtâstpaargon lohtâseijee pargoid, toimâđ säämi kielârääđi oovdânpyehten já čällen pargoidis kullee aašijn, paijeentoollâđ já ovdediđ Suomâst kevttum sämikielâid, ovdediđ sämikielâi iäláskittemtooimâ já kieláid kyeskee tutkâmtooimâ, jyehiđ tiäđu sämikielâst já toohâđ oovtâstpargo sämikielâ tutkâmuš já huolâttâs syergist tuáimee aalmuglij já aalmugijkoskâsij ornijdumijguin já toimâorgaanijguin.

Njuolgâdusvuáđustâslâš tohálâšvuotâvátámâš lii virge vaattâm škovlim já lasseen váttoo sämikielâ táiđu (asâttâs 1727/95). Virge miänástuvvee hoittám váátá hiäivulii ollâškovlâtotkos, sämikieláid lohtâseijee äššitubdâmuš sehe haaldâtlij pargoi tubdâm já šiev oovtâstpargo- já vuáruvaikuttâstááiđuid. Pargohárjánem västideijee pargoin annoo hiättun.

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2706,50 eurod/mp). Vuáđupäälhi lasseen máksojeh pargohárjánem mield miärášuvvee hárjánemlaseh sehe 24 % sämikuávlu lase. Virge tiävdoo 1.7.2022 rääjist já virge tevdimist nuávditteh kuuđâ mánuppaje keččâlemääigi.

Ucâmušâid lahtosijdiskuin kalga toimâttiđ Sämitige čäällimkoodán 30.4.2022 räi čujottâsân: https://www.sympahr.net/public/pq.aspx?626f57f1

Lasetiäđuid pargoost addel kielâtorvočällee Anne Kirste Aikio puh. 010 839 3124. Sämitige tooimân puáhtá uápásmuđ nettičujottâsâst www.samediggi.fi

Anarist 1.4.2022
Sämitigge