Sämitigge almoot uuccâmnáál meriáigásii säminuorâi taaiđâtábáhtus proojeektpargee tooimâ
Pargo álgá 15.2.2024 teikâ sopâmuš mield já juátkoo 15.5.2024 räi.
Proojeektpargee pargon lii västidiđ Säminuorâi taaiđâtábáhtus vuáváámist, ornimijn, ohtâvuođâ tolâmist tábáhtus uásálistei já uárnejeijei kooskâ, tieđeetmist, eres munevalmâštâlmijn já tábáhtus loppâpargoin. Taaiđâtábáhtus uárnejuvvoo 24.–25.4.2024 Anarist Sajosist.
Pargo miänástuvvee hoittám váátá sämikielâ tááiđu (sämitiggeest adelum asâttâs 1727/1995). Mij anneep áárvust jiečânâs já huolâlii pargovyevi sehe šiev ohtsâšpargo- já vuáruvaikuttâstááiđuid. Pälkki meriduvvoo sämitige pälkkivuáháduv vátávâšvuotâtääsi V-II mield (vuáđupälkki 2372,87 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga macâttiđ Sämitige čäällimkoodán 31.1.2024 räi taan uuccâmluámáttuv peht (lekkâs uđđâ laasân).
Lasetiäđuid pargoost addel škovlimčällee Bigga-Helena Magga, puh. 010 839 3121
Sämitige tooimân puáhtá uápásmuđ čujottâsâst www.samediggi.fi.
Anarist 11.1.2024
Sämitigge
