Sämitigge almoot uuccâmnáál tavesämikielâ jurgâleijee virge

Jurgâleijee pargon lii hoittáđ tavesämikielâ jurgâlem- já terminologiapargoid sämikielâ toimâttuvâst. Pargokován kulá iänááš Ucjuv kieldâ äššipápárij jurgâlem.

Jurgâleijee tohálâšvuotâvátámâššân lii paargon hiäivulâš ollâškovlâtođhos tâi eres škovlim sehe laavâst auktorisistum jurgâleijen (1231/2007) uáivildum vuoigâdvuotâ toimâđ auktorisistum jurgâleijen suomâkielâst tavesämikielân tâi nubijkulij.

Pargo álgáččij 1.5.2025 tâi sopâmuš mield.Virgeest nuávditteh kuuđâ mánuppaje keččâlemääigi.

Jurgâleijee pälkki miärášuvá Sämitige pälkkivuáháduv vátávâšvuotâtääsi IV/IV miäldásávt (vuáđupälkki 2810,27 eurod/mp). Vuáđupäälhi lasseen pargoost máksojeh 24 % sämikuávlu lase já pargohárjánem mield miärášuvvee hárjánemlaseh.

Rijjâhámásâš uuccâmreeivâ já máhđulâš ánsuluvâttâllâm já eres lahtosijd kalga toimâttiđ Sämitige čäällimkoodán 28.2.2025 räi taan uuccâmluámáttuv peht (lekkâs uđđâ siijđon): Uuccâmluámáttâh.

Lasetiäđuid pargoost addel Sämitige kielâtorvočällee Anne Kirste Aikio 040 707 5626 tâi anne-kirste.aikio(at)samediggi.fi

Sämitige tooimân puáhtá uápásmuđ nettičujottâsâst www.samediggi.fi

28.1.2025 Anarist
Sämitigge