Sämitigge já riehtiministeriö ráđádâllii sämitige vaaljâi äigimuddoost

Sämitigge já riehtiministeriö tollii sämitiggelaavâ 9 § miäldásii ráđádâllâm 5.6.2019 sämitige vaaljâi äigimuddoost. Riehtiministeriö seelvât jotelávt sämitige vaaljâi äigimuudon lohtâseijee koččâmuš  Rinne haldâttâsohjelmkirjim miäldásávt.

Ulmen ličij adeliđ haldâttâs iävtuttâs, main nubásmitáččii sämitiggelaavâ. Laavâ nubásmitáččii tienuuvt, ete tááláá Sämitige toimâpaje juáđháččii já vaaljâid sirdáččii. Iävtuttâs tyehin láá OA olmoošvuoigâdvuotâkomitea kuovâmáánust 2019 adelem kyehti čuávdus, moi mield Suomâ kalga miäruštâllâđ uđđâsist sämitiggeest adelum laavâ 3 §, vâi visásmit, ete iävtuh jienâvuoigâdvuotân Sämitige vaaljâin miäruštâllojeh já taid heiviitteh kunnijâtmáin sämmilij vuoigâdvuođâ kevttiđ siskáldâs jiešmeridemvuoigâdvuođâs aalmug- já poolitláid vuoigâdvuođáid kyeskee almossopâmuš 25 já 27 artikkâl miäldásávt.

”Sämitige vaaljâi äigimudo sirdem lii eromâš muálkkáás äšši. Sämitigge ana tehálâžžân, ete äšši selvâttuvvoo nuuvt jotelávt ko máhđulâš”, paahud II värisaavâjođetteijee Tuomas Aslak Juuso.

Sämitige čuákkim kieđâvuš vaaljâi äigimuddo -ääši čuávuváá čuákkimistis 18.6.2019. 

Lasetiäđuh:

Sämitige II värisaavâjođetteijee Tuomas Aslak Juuso puh. 040 1871 331, tuomas.juuso(at)samediggi.fi