Sämitigge ocá meriáigásii nuorttâlâškielâ kielâpargee-jurgâleijee
Sämitigge almoot uuccâmnáál meriáigásii nuorttâlâškielâ kielâpargee-jurgâleijee pargo. Pargo álgá sopâmuš mield njuhčâmáánust 2025. Meriáigásâš palvâluskoskâvuotâ pištá 4 mánuppaijeed teikâ eenâb, ton mield, mii lii palvâluskoskâvuođâ pargoäigiprooseent.
Kielâpargee-jurgâleijee pargon lii hoittáđ nuorttâlâškielâ jurgâlem- já terminologiapargoid kielâtoimâttuvâst. Kielâpargee-jurgâleijee tohálâšvuotâvátámâššân lii paargon hiäivulâš ollâškovlâtođhos tâi eres škovlim. Lasseen jurgâleijee tohálâšvuotâvátámâššân lii laavâst auktorisistum jurgâleijen (1231/2007) uáivildum vuoigâdvuotâ toimâđ auktorisistum jurgâleijen suomâkielâst nuorttâlâškielân tâi nubijkulij.
Pargoost nuávdittuvvoo kyevti mánuppaje keččâlemäigi.
Pargo pälkki miärášuvá Sämitige pälkkivuáháduv vátávâšvuotâtääsi IV/IV tâi V/II mield (vuáđupälkki 2810,27–2697,63 eurod/mp). Vuáđupäälhi lasseen pargoost máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 2.3.2025 taan uuccâmluámáttuv peht (lekkâs uđđâ laasân): Uuccâmluámáttâh
Lasetiäđuid pargoost addel Sämitige kielâtorvočällee Anne Kirste Aikio 040 707 5626 tâi anne-kirste.aikio(at)samediggi.fi
Sämitige tooimân puáhtá uápásmuđ nettičujottâsâst www.samediggi.fi.
11.2.2025
Sämitigge
