Sämitigge ocá proojeektpargee Säminuorâi taaiđâtábáhtusân
Sämitigge almoot uuccâmnáál meriáigásii säminuorâi taaiđâtábáhtus proojeektpargee pargo.
Pargo álgá sopâmuš mield kuovâmáánust 2025. Meriáigásâš palvâlemkoskâvuotâ pištá kulmâ mánuppaje. Säminuorâi taaiđâtábáhtus uárnejuvvoo cuáŋuimáánust 2025.
Proojeektpargee pargon lii västidiđ Säminuorâi taaiđâtábáhtus vuáváámist, orniistâlmijn, ohtâvuođâ tolâmist tábáhtus uásálistei já uárnejeijei kooskâ, tieđeetmist, eres munevalmâštâlmijn já loppâpargoin tábáhtus maŋa.
Pargo miänástuvvee hoittám váátá sämikielâ tááiđu (sämitiggeest adelum asâttâs 1727/1995). Mij anneep áárvust naavcâid jiečânâs já huolâlii porgâmân sehe šiev oovtâstpargo- já vuáruvaikuttâstááiđuid. Pälkki miärášuvá Sämitige pälkkivuáháduv vátávâšvuotâtääsi V-II mield (vuáđupälkki 2432,19 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Rijjâhámásii uuccâmreeivâ sehe máhđulâš ánsuluvâttâllâm já eres lahtosijd kalga macâttiđ Sämitige čäällimkoodán 12.2.2025 räi taan uuccâmluámáttuv peht (lekkâs uđđâ laasân):
https://www.vismasignforms.com/form/a0205f86-ad67-4715-b5ce-7539a106e5fb
Lasetiäđuid pargoost addel škovlimčällee Bigga-Helena Magga, puh. 010 839 3121
Sämitige tooimân puáhtá uápásmuđ čujottâsâst www.samediggi.fi
Anarist 24.1.2025
Sämitigge
