Sámediggi ohcá prošeaktabargi Sámenuoraid dáiddadáhpáhussii

Sámediggi almmuha ohcanláhkai mearreáigásaš sámenuoraid dáiddadáhpáhusa prošeaktabargi doaimma.

Bargu álgá soahpamuša mielde guovvamánus 2025. Mearreáigásaš bálvalangaskavuođa guhkkodat lea golbma mánu. Sámenuoraid dáiddadáhpáhus ordnejuvvo cuoŋománus 2025.

Prošeaktabargi bargun lea vástidit Sámenuoraid dáiddadáhpáhusa plánemis, ordnemiin, oktavuođadoallamis dáhpáhusa oassálastiid ja ordnejeaddjiid gaskka, dieđiheamis, eará ovddalgihtii ordnemiin ja dáhpáhusa maŋŋebargguin.

Doaimma ceavzilis dikšun eaktuda sámegiela dáiddu (sámedikkis addojuvvon ásahus 1727/1995). Mii atnit árvvus návccaid iehčanas ja fuolalaš bargamii, sihke buriid ovttasbargo- ja gulahallandáidduid. Bálkkámáksin mearrašuvvá Sámedikki bálkávuogádaga gáibádusdási V/II mielde (vuođđobálká 2432,19 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja vásáhuslasit, mat mearrašuvvet bargohárjánumi mielde.

Friijahápmásaš ohcanreivve ja vejolaš ánsologahallama ja eará čuvvosiid galgá máhcahit Sámedikki čállingoddái 12.2.2025 rádjai dán ohcamušskovi bokte (rahpasa ođđa ruvttui).

Lassidieđuid barggus addá skuvlenčálli Bigga-Helena Magga, tlf. 010 839 3121

Sámedikki doaimmaide sáhttá oahpásmuvvat neahttačujuhusas www.samediggi.fi.

Anáris 24.1.2025
Sámediggi


Juoge siiddu ovddosguvlui

Eará ođđasat