Sääʹmteʹǧǧ ååcc projeʹktt-tuâjjla Sääʹmnuõri čeäppõspeeiʹvid

Sääʹmteʹǧǧ iʹlmmat ooccâmnalla mieʹrräiggsaž Sääʹmnuõri čeäppõspeeiʹvi projeʹktt-tuâjjla tuõjju.

Tuâjj älgg suåppmõõžž mieʹldd täʹlvvmannust 2025. Mieʹrräiggsa kääzzkõskõskkvuõđ peštt lij kolmm mannu. Sääʹmnuõri čeäppõspeeiʹvid jäʹrjstet njuhččmannust 2025.

Projeʹktt-tuâjjla tuâjjan lij vaʹstteed Sääʹmnuõri čeäppõspeeiʹvi plaanummšest, riâššmõõžžin, õhttvuõđ âânnmõõžžâst šõddmõõžž vuässõõđji da jäʹrjsteeʹji kõõsk, teâđtummšest, õõudpeäʹlnn valmštõõllmõõžžâst da mâʹŋŋtuâjain.

Tuâj oʹnstam håiddmõš kaiʹbbai sääʹmǩiõlltääid (Sääʹmteeʹǧǧest uvddum asetõs 1727/1995). Ââʹnnep äärvast jiõččnaž da tääʹrǩes tuejjummuž di šiõǥǥ õhttsažtuâjj- da vuârrvaaiktemtääidaid. Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz V-II mieʹldd (vuâđđpäʹlǩǩ 2432,19 euʹrred/mp). Vuâđđpääʹlǩ õõl tuâjast määuʹset 24 % sääʹmvuuʹd lââʹzz säʹmmlai dommvuuʹdest tuejjummšest di tuõjju härjjnem mieʹldd meäʹrtõõvvi lõõʹzzid.

Jiijjad maall mieʹldd ǩeeʹrjtum ooccmõšǩeʹrjj di vueiʹtlvaž merittloǥstõk da jeeʹres meâlddõõzz âʹlǧǧe tooiʹmted Sääʹmteeʹǧǧ piisarkådda 12.2.2025 räjja mõõneeʹst tän ooccmõšlomaakk pääiʹǩ (ävvan ođđ ikkna).

Lââʹssteâđaid tuâjast oudd škooultõspiisar Bigga-Helena Magga, teʹlf. 010 839 3121

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.

Aanrest 24.1.2025
Sääʹmteʹǧǧ


Jueʹjj seeid ooudårra

Jeeʹres ođđâz