Sämitigge ocá proojeektpargee Vasan matka -ovdedemhaahân

Pargo álgáččij uđđâivemáánust 2025 já pištá 30.6.2025 räi. Pargo soijimsaje lii Säämi kulttuurkuávdáš Sajos, Aanaar, mutâ pargo lii máhđulâš porgâđ káiduspargon.

Proojeektpargee pargon lii pyevtittiđ, čokkiđ já sirdeđ haavâ digitaallijd uuccâmsijđoid siskáldâs, uásálistiđ haavâst ornimnáál čonâsjuávkkukulâmij orniistâlmáid sehe haavâ tábáhtusâi eres orniistâlmáid. Ton lasseen proojeektpargest pyehtih leđe eres pargoh haavâ olášuttem háárán.

Tohálâšvuođâiähtun lii tooimâ vaattâm hiäivulâš škovlim já sämikielâ máttu (asâttâs 1727/95). Mij anneep áárvust naavcâid jiečânâs já huolâlii porgâmân sehe šiev oovtâstpargo- já vuáruvaikuttâstááiđuid. Tooimâ miänástuvvee hoittáámist iššeed vijđes sämikulttuur já sämimađhâšem tubdâm sehe šiev eŋgâlâskielâ táiđu. Tooimâst kieđâvuššojeh teevstah puoh kuulmâ sämikielân já eŋgâlâskielân, te hiättun annoo sämikielâi tubdâm.

Pälkki miärášuvá Sämitige pälkkivuáháduv vátávâšvuotâtääsi VII/I mield (vuáđupälkki olespargoääigist 2014,88 eurod/mp). Vuáđupäälhi lasseen máksojeh 24 % sämikuávlu lase sämikuávlust porgâdijn já pargohárjánem mield miärášuvvee hárjánemlaseh.

Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 9.12.2024 taan uuccâmluámáttuv peht (lekkâs uđđâ laasân).

Sämitigge lii finnim Vasan matka -haahân Máttááttâs- já kulttuurministeriö kulttuur- já kreatiivlij suorgij uđâsmem ráhtustoorjâ ruttâdem. Haahâ lii Euroop union ruttâdem – NextGenerationEU

Lasetiäđuid pargoost adelává haldâttâhhovdâ Pia Ruotsala-Kangasniemi, pia.ruotsala@samediggi.fi

já Vasan matka -hahâvuávájeijee Kirsi Suomi, kirsi.suomi@samediggi.fi já puh. 010 839 3118

Sämitige tooimân puáhtá uápásmuđ nettičujottâsâst www.samediggi.fi.

Ovdebij haavâi tooimân puáhtá uápásmuđ nettičujottâsâst https://matkailu.samediggi.fi/

Anarist 19.11.2024
Sämitigge