Sääʹmteʹǧǧ ååcc projeʹktt-tuâjjla Vasan matka -õõuʹdeemhaʹŋǩǩõʹsse

Tuâjj äälǥči ođđeeʹjjmannust 2025 da peštt 31.6.2025 räjja. Tuâj väʹlddpäiʹǩǩen lij Sääʹmkulttuurkõõskõs Sajos, Aanar, leša tuâj vuäitt tuejjeed bieʹǩǩi ougglõstuâjjan.

Projeʹktt-tuâjjla tuâjjan lij puuʹtʼted, noorrâd da seʹrdded haʹŋǩǩõõzz digitaalʼlaž ooccâmseiddõʹsse siiskõõzz, vuässõõttâd haʹŋǩǩõõzzâst jäʹrjstum čõõnâsjoukk-kuullmõõžži jäʹrjstõõllmõõžžid di haʹŋǩǩõõzz jeeʹres noorõõttmõõžži jäʹrjstõõllmõʹšše. Lââʹssen projeʹktt-tuâjjlast vuäiʹtte leeʹd jeeʹres haʹŋǩǩõõzz čõõđviikkma kuulli tuâj.

Ââʹntemkaiʹbbjõsân lij tuâj õudldem šiõttlõs škooultõs da sääʹmǩiõl täidd (asetõs 1727/95). Ââʹnnep äärvast oodd jiõččnaž da tääʹrǩes tuejjummša di šiõǥǥ õhttsažtuâjj- da vuârrvaaiktemtääidaid. Tuâj oʹnstam håiddmõõžž vieʹǩǩat sääʹmkulttuur da sääʹmturiism tobddmõš di šiõǥǥ eŋgglõsǩiõl täidd. Tuâjast ǩiõttʼtõõlât teeʹkstid pukin koolmin sääʹmǩiõlin da eŋgglõsǩiõʹlle, nuʹt što pueʹrren ǩiõččât sääʹmǩiõli tobddmõõžž.

Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz VII/I mieʹldd (vuâđđpäʹlǩǩ tiuddtuâjjaaiʹjin 2014,88 euʹrred/mp). Vuâđđpääʹlǩ õõl määuʹset sääʹmvuuʹdest tuejjeen 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid.

Jiijjad maʹlle ǩeeʹrjtum ooccmõšǩeʹrjj di vueiʹtlvaž merittloǥstõk da jeeʹres meâlddõõzz âʹlǧǧe tooiʹmted Sääʹmteeʹǧǧ piisarkådda 9.12.2024 räjja mõõneeʹst tän ooccmõšlomaakk pääiʹǩ (ävvan ođđ ikkna).

Sääʹmteʹǧǧ lij vuäǯǯam Vasan matka -haʹŋǩǩõʹsse Mättʼtõs- da kulttuurministeria kulttuur- da kreevsõs suõʹrji ođsmeei raajâstuärjj teäggtõõzz. Haʹŋǩǩõs lij Euroopp Unioon teäggtem – NextGenerationEU.

Lââʹssteâđaid tuâjast ouʹdde vaaldâšmjååʹđteei Pia Ruotsala-Kangasniemi, pia.ruotsala@samediggi.fi

da Vasan matka -haʹŋǩǩõsplaanni Kirsi Suomi, kirsi.suomi@samediggi.fi da teʹlf. 010 839 3118

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi..

Ääiʹjab turismmhaʹŋǩǩõõzzi toimmjummša vuäitt tobdstõõttâd neʹttaddrõõzzâst https://matkailu.samediggi.fi/

Aanrest 19.11.2024
Sääʹmteʹǧǧ