Sámediggi ohcá prošeaktabargi Vasan matka -ovddidanprošektii
Sámediggi almmuha ohcan láhkai mearreáigásaš prošeaktabargi doaimma Vasan matka elege Vásttolaš sámemátkeealáhusa sertifikáhta: doaibmanmálle ja digitálalaš ohcansiiddu dahkan prošektii.
Bargu álggášii ođđajagemánus 2025 ja bistá 30.6.2025 rádjai. Barggu doaibmabáikin lea Sámekulturguovddáš Sajos, Anár, muhto barggu lea vejolaš bargat muhtin muddui gáiddusin.
Prošeaktabargi bargun lea buvttadit, čohkket ja sirdit prošeavtta digitálalaš ohcansiidui sisdoalu, oassálastit čanusjoavkogullamiid, mat lágiduvvojit prošeavtta oktavuođas, ordnedemiide sihke prošeavtta eará dáhpáhusaid ordnedemiide Dan lassin prošeaktabargis sáhttet leat earáge barggut, mat laktásit prošeavtta ollašuhttimii.
Gelbbolašvuođagáibádussan leat barggu eaktudan heivvolaš skuvlejupmi ja sámegiela máhttu (ásahus 1727/95). Mii atnit árvvus čehppodaga iehčanas ja fuolalaš bargamii sihke buriid diehtojuohkin- ja gulahallandáidduid. Barggu ceavzilis dikšuma veahkehit sámekultuvrra ja sámemátkeealáhusa dovdan ja buorre eaŋgalasgiela máhttu. Barggus gieđahallojit teavsttat buot golmma sámegillii ja eaŋgalasgillii nu, ahte ovdun gehččojuvvo sámegielaid dovdan.
Bálkkámáksin mearrašuvvá Sámedikki bálkávuogádaga gáibádusdási VII/I mielde (vuođđobálká olles bargoáiggis 2014,88 euro/mb). Vuođđobálkká lassin máksojuvvojit 24 % sámeguovllu lassi, jos bargá sámeguovllus, ja maiddái ahkelasit, mat mearrašuvvet bargovásáhusa mielde.
Friijahápmásaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái 9.12.2024 rádjai dán ohcanskovi bokte (rahpasa ođđa ruvttui).
Sámediggi lea ožžon Vasan matka -prošektii Oahpahus- ja kulturministeriija kultur- ja kreatiivva surggiid ođasmahttima ráhkadusdoarjja ruhtadeami. Prošeavtta lea ruhtadan Eurohpa uniovdna – NextGenerationEU.
Lassidieđuid barggus addiba hálddahushoavda Pia Ruotsala-Kangasniemi, pia.ruotsala@samediggi.fi
ja Vasan matka -prošeaktaplánejeaddji Kirsi Suomi, kirsi.suomi@samediggi.fi ja tel. 010 839 3118
Sámedikki doaimmaide sáhttá oahpásmuvvat neahttačujuhusas www.samediggi.fi.
Ovddit sámemátkeealáhusprošeavttaid bargguide sáhttá oahpásmit neahttačujuhusas https://matkailu.samediggi.fi
Anáris 19.11.2024
Sámediggi
