Sämitiggevaaljah, moh uárnejuvvojeh uđđâsist 3.6.–1.7.2024
Valjâäššikirjeh postâduvvojeh kirjettum vuolgâttâssân jyehi jienâvuoigâdvuođâlâžân 3.6.2024 rääjist.
Jienâvuoigâdvuođâlâš puáhtá jienâstiđ maacâtmáin valjâäššikiirjijd poostâ peht tâi maacâtmáin valjâäššikiirjijd jottee valjâauton tâi njuolgist valjâlävdikode toimâttâhân. Tärhibeh tiäđuh láá valjâäššikiirjijn já Sämitige nettisiijđoin. Valjâpeeivi jienâstem ij uárnejuu ive 2024. Poostâ pehi vuolgâttum äššikirjeh kalgeh leđe valjâlävdikode toimâttuvâst Anarist majemustáá 1.7.2024 tme 18, ko jienâi rekinistem álgá.
Ulmuuh, kiäh láá sämikuávlu lájádâsâin tipšoost sehe toh ulmuuh, kiäh láá pääihist tipšoost, iäge mudoi puávtáččii jienâstiđ merettes vaigâdvuođâittáá, uážžuh jienâstiđ tipšosajestis. Ääšist kalga väldiđ ohtâvuođâ valjâlävdikode toimâttâhân majemustáá 13.6.
Čuj. Sajos, Menesjärventie 2A, 99870 Aanaar, puh 044 720 3106, 044 700 4150 tâi vaalit@samediggi.fi.
Anarist 14.5.2024
Valjâlävdikodde
