Škovlâkuállejeijei uuccâm lii tääl áávus - Uusâ mield!

Sämitige nuorâirääđi já Nuorâi akatemia Dihtosis-hahhust fäälih paješkovláid sämiteemasijd škovlâkollimijd. Mij uuccâp tääl movtigis paijeel 18-ihásijd säminuorâid pirrâ Suomâ škovlâkuállejeijen luuhâmive 2019-2020 ääigi toohâmnáál kollimáid.

Škovlâkuállejeijee pargon lii toollâđ sämikulttuurfáddásii kollim paješkoovlâst. Kollim tuálá sistees sämikulttuur oovdânpyehtim sehe toimâlijd pargopáájáid. Pargopáájái ulmen lii jyehiđ tiäđu sämmilijn já sämikulttuurist válduaalmug nuoráid. Kollim pištá táválávt 75-90 minuttid tađe mield mon kuheh oppâlájádâs oppâtiijmeh láá. Mij uuccâp kuállejeijeid pirrâ Suomâ, eromâš tárbu uđđâ kuállejeijeid lii uáivikaavpugkuávlust sehe Turku já Tampere kuávluin. Škovlâkollimijd olášuteh iänááš škovlâpeeivij ääigi 17.9.2019-31.5.2020 kooskâst.

Škovlâkollimijn máksoo 54€ pälkki/kollim sehe määđhih kollimčuosâttâhân. Škovlâkollimij meeri lii kiddâ tiilámijn já kuállejeijee jieijâs äigitavluin.

Škovlâkuállejeijeid tuálloo škovlim Helsigist Nuorâi akatemia viistijn vuossaargâ 16.9.2019. Škovlimân uásálistem lii iähtun kuállejeijen toimâmân. Škovlimist ij maksuu pälkki, mutâ máhđulijd mätki- já ijjâdemkoloid sajanmäksih.

Mij vyerdip škovlâkuállejeijein sämikulttuur tubdâmuš, movtigis mielâ já mättim jođettiđ škovlâkollim sehe puorijd vuáruvaiguttâstááiđuid.

Tooimât rijjâhámásii ucâmuš ovdil 30.8.2019 tme 16.00 čujottâsân: minna.lehtola(at)samediggi.fi

Lasetiäđuh:

Minna Lehtola

Proojeektpargee

puh: 010 839 3132 | +358 40 650 3620

minna.lehtola@samediggi.fi