Uccâ kirjááh -ráiđu almostui anarâš- já tavesämikiellân
Uʹcc ǩeerja (Uccâ kirjááh) nuorttâsämikielâlâš digikirjeráiđu lii almostum anarâš- já tavesämikiellân. Kirjeh uápisteh táváláid sämikielâ saanijd, tegu jotteemverbáid já ivnijd, já pihtâsij já purrâmušâi nomâttâssáid. Kirjeh ovdedeh siämmást kielâoppâaašijd já luuhâm oppâm. Kiirjijn lii rahtum kyehti eres heiviittâs, stavâlistum já stavâlijttáá sehe lasseen jieškote–uv fáádán lahtee hárjuttâskirje.
Uʹcc ǩeerja -digikiirjij ráiđu šoodâi Čevetjäävri škoovlâ nuorttâkielâ máttáátteijee Maria Porsanger iävtuttâsâst.
Kiirjijd lii kietâčáállám já kuvvim Esther Berelowitsch, kote parga Sämitiggeest oppâmateriaal proojeektpargen. Laura Ylinampa lii jurgâlâm kiirjijd anarâškielân, já Arla Magga tavesämikielân.
Uʹcc ǩeerja -pargojuávkun kuleh Maria Porsanger, Raija Lehtola, Tiina Sanila-Aikio, Anna-Katariina Feodoroff, Petra Kuuva, Heli Aikio já Aura Pieski. Digikirje teknisâš olášutmist lává västidâm Unni Länsman já Esther Berelowitsch.
Ráiđu ain tievâsmuvá puáttee ive.
Puohháid ávus liiŋkah anarâškielâg kirjijd:
- Puájui já Jievjâm: luuhâmkirje, luuhâmkirje stavâlistum, hárjuttâskirje
- Siemâ: luuhâmkirje, luuhâmkirje stavâlistum, hárjuttâskirje
- Eljas: luuhâmkirje, luuhâmkirje stavâlistum, hárjuttâskirje
Puohháid ávus liiŋkah tavesämikielâg kirjijd:
- Sieđga ja Luhppu: luuhâmkirje, luuhâmkirje stavâlistum, hárjuttâskirje
- Siepman: luuhâmkirje, luuhâmkirje stavâlistum, hárjuttâskirje
- Elias: luuhâmkirje, luuhâmkirje stavâlistum, hárjuttâskirje
Kiirjijd lii almostittám Sämitige škovlim- já oppâmateriaaltoimâttâh
Lasetiäđuh:
Esther Berelowitsch
Nuorttâkielâlâš oppâmateriaal proojeektpargee
esther.berelowitsch@samediggi.fi
