Unna girjjážat -ráidu lea almmustahtton davvi- ja anárašsámegillii
Uʹcc ǩeerja (Unna girjjážat) –nuortalašgielat digigirjeráidu lea almmustahtton davvi- ja anárašsámegillii. Girjjážat láidejit dábálaš sámegiela sániide, nu mo johtinvearbbaide ja ivnniide, biktasiidda ja borramušsániide. Girjjážat ovddidit seammás giellaoahppaáššiid ja lohkama oahpaheami. Girjjážiin leat guokte oasi, stávvalaston ja stávvalkeahtes oassi. Dán lassin lea juohke temái gullevaš hárjehusgirji.
Uʹcc ǩeerja -digigirjjážiid ráidu lea riegádan Čeavetjávrri skuvlla nuortalašgiela oahpaheaddji Maria Porsanger evttohusas.
Girjjážiid lea čállán ja govuhan Esther Berelowitsch, guhte bargá Sámedikki oahppomateriálaprošeaktabargin. Arla Magga lea jorgalan girjjiid davvisámegillii, ja Laura Ylinampa anárašgillii.
Uʹccǩeerja -bargojovkui gullet Maria Porsanger, Raija Lehtola, Tiina Sanila-Aikio, Anna-Katariina Feodoroff, Petra Kuuva, Heli Aikio ja Aura Pieski. Digigirjjáža teknihkalaš ollašuhttimis leaba vástidan Unni Länsman ja Esther Berelowitsch.
Ráidu ain dievasmahtto boahtte jagi.
Buohkaide rabas liŋkkat davvisámegielat girjjážiidda:
- Sieđga ja Luhppu: lohkangirji, lohkangirji stávvalaston, hárjehusgirji
- Siepman: lohkangirji, lohkangirji stávvalaston, hárjehusgirji
- Elias: lohkangirji, lohkangirji stávvalaston, hárjehusgirji
Buohkaide rabas liŋkkat anárašgielat girjjážiidda:
- Puájui já Jievjâm: lohkangirji, lohkangirji stávvalaston, hárjehusgirji
- Siemâ: lohkangirji, lohkangirji stávvalaston, hárjehusgirji
- Eljas: lohkangirji, lohkangirji stávvalaston, hárjehusgirji
Girjjiid lea almmustahttán Sámedikki skuvlen- ja oahppomateriáladoaimmahat.
Lassedieđut:
Esther Berelowitsch
Nuortalašgielat oahppomateriála prošeaktabargi
esther.berelowitsch@samediggi.fi