Uuccâm ive 2027 sämitiggevaaljâi valjâluvâttâlmân nohá 30.9.2026

Ucâmuš kalga leđe toimâttum valjâlävdikode toimâttâhân majemustáá meripeeivi ađai 30.9.2026.

Šleđgâlâš luámáttâh kalga leđe šleđgâlávt vuáláčallum majemustáá meripeeivi tme 23.59. Pááppárluámáttâh kalga leđe toimâttum valjâlävdikode toimâttâhân tâi Saijoos vyeliaula postâloován majemustáá meripeeivi tme 16.15, kuás toimâttâh mana kiddâ.

Ive 2027 valjâluvâttâlmân puáhtá merkkiđ tuš ulmuid, kiäh láá meriääigi räi toos uuccâm tâi láá kuullâm ive 2024 valjâluvâttâlmân, jis sij tevdih uđâsmittum sämitiggelaavâ miäldásijd iävtuid valjâluvâttâlmân kulâmist.

Ucâmuš finnee sehe šleđgâlâžžân já printtimnáál luámáttâhhân taan liiŋkâst. Valmâšin printtejum luámáttuvâid puáhtá finniđ Säämi kulttuurkuávdáš Saijoos aulast talle ko tot lii áávus tâi Sämitige valjâlävdikode toimâttuvâst pivdem mield.

Ravvuid ucâmuš tevdimân finnee čujottâsâst vaalit.samediggi.fi/vaaljah/jienasteijei/. Jis tun tarbâšah laseravvuid tâi jieh kiergân finniđ jieijâd ucâmušân tárbulijd lahtosijd ovdil meriääigi, te vääldi ohtâvuođâ valjâlävdikode toimâttâhân.

Lasetiäđuh:

Valjâlävdikode toimâttâh

vaalit@samediggi.fi

040 530 9513 / 044 740 6501