Ooʒʒõõttmõš eeʹjj 2027 sääʹmteʹǧǧvaali vaal-loǥstõʹǩǩe poott 30.9.2026

Ooccmõš âlgg leeʹd tooiʹmtum vaal-luʹvddkååʹdd konttra mââimõsân mieʹrrpeeiʹv kååʹtt miârkkšââvv 30.9.2026.

Liâđǥlaž lomakk âlgg leeʹd liâđǥlanji vuâllaǩeeʹrjtum mââimõsân mieʹrrpeeiʹv čiâss 23.59. Põʹmmai âʹlnn åårrai lomakk âlgg leeʹd tooiʹmtum vaal-luʹvddkååʹdd konttra leʹbe Sajoozz vueʹllkääʹrdest åårrai pååʹštčokka  mââimõsân mieʹrrpeeiʹv čiâss 16.15, kuäʹss koontâr mâânn ǩidd.

Eeʹjj 2027 vaal-loǥstõʹǩǩe vueiʹtet mieʹrǩǩeed tåʹlǩ mieʹrräigga mõõneeʹn tõõzz ooccâm leʹbe eeʹjj 2024 vaal-loǥstõʹǩǩe kuullâm oummid, jos sij teuʹdde ođsmam sääʹmteʹǧǧlääʹjj meâldlaž vaal-loǥstõʹǩǩe kuullmõõžž oudldõõzzid.

Ooccmõš lij vuäǯǯamnalla nuʹt liâdglaž häämast ǥu priʹnttjemnalla åårrai lomaakkân tän liiŋkâst. Valmmša priʹnttjum lomaakk  lie vuäǯǯamnalla sääʹmkulttuurkõõskõs Sajoozz jõnnkääʹrdest tõn äävaiåårramaaiʹji leʹbe sääʹmteeʹǧǧ vaal-luʹvddkååʹdd konttrest raaukeeʹl.

Vuäppõõzzid ooccmõõžž tiuddummša lie vuäǯǯamnalla addrõõzzâst vaalit.samediggi.fi/vaal/jionsteeja/. Jos taarbšak lââʹssvuäppõõzzid leʹbe jiõk ǩiõrggân vuäǯǯad  jiijjad ooccmõʹšše taarbšum meâlddõõzzid õuʹddel mieʹrrääiʹj, vääʹld õhttvuõđ vaal-luʹvddkååʹdd konttra.

Lââʹssteâđ:

Vaal-luʹvddkååʹdd koontâr

vaalit@samediggi.fi

040 530 9513 / 044 740 6501