Ohcan jagi 2027 sámediggeválggaid válgalogahallamii nohká 30.9.2026

Ohcamuš galgá leat doaimmahuvvon válgalávdegotti doaimmahahkii maŋimustá mearrebeaivvi dahjege  30.9.2026.

Elektrovnnalaš skovvi galgá leat elektrovnnalaččat vuolláičállon maŋimustá mearrebeaivvi dii. 23.59. Báberskovvi galgá leat doaimmahuvvon válgalávdegotti doaimmahahkii dahje poastakássii, mii lea Sajosa vuolleváldofeaskáris, maŋimustá mearrebeaivvi dii. 16.15, goas doaimmahat manná gitta.

Jagi 2027 válgalogahallamii sáhttet merkejuvvot olbmot, geat leat ohcan dasa mearreáiggi siste, dahje dat, geat leat gullan jagi 2024 válgalogahallamii, jos sii devdet ođasmuvvan sámediggelága válgalogahallamii gullama eavttuid.

Ohcamuš lea fidnemis sihke elektrovnnalaš ja prentehahtti skovvin dán liŋkkas. Gárvvisin prentejuvvon skoviid fidne sámekulturguovddáš Sajosa váldofeaskáris dan rabasáiggiin dahje bivdagis sámedikki válgalávdegotti doaimmahagas.

Rávvagat ohcamuša deavdimii gávdnojit čujuhusas vaalit.samediggi.fi/valggat/jienasteaddjai/. Juos dárbbašat lassirávvagiid dahje it geargga oažžut iežat ohcamuššii dárbbašlaš čuvvosiid ovdal mearreáiggi, váldde oktavuođa válgalávdegotti doaimmahahkii.

Lassidieđut:

Válgalávdegotti doaimmahat

vaalit@samediggi.fi

040 530 9513 / 044 740 6501