Vaanhimijehideh: kielâ sirdem já kielâiäláskittem
Sämitigge uárnee sämikielâlij párnái vaanhimáid čujottum vaanhimijehidijd kielâ sirdemist já kielâiäláskitmist. Vaanhimijehidijn lii ulmen savâstâllâđ oovtâst kielâ sirdemân, kielâiäláskitmân já sämikielâ ovdánem tuárjumân lohtâseijee aašijn já tobdoin.
Ehideh láá čujottum puoh sämikielâlij párnái vaanhimáid tast peerusthánnáá, mon kielâ perrust sárnuh. Jyehi tilálâšvuođâst lii mieldi meid sämmilii psykososiaallii torjuu ohtâduv Uuvjâ ovdâstus. Savâstâlmijn nuávdittep torvolii tile prinsiipijd, maid eellip čoođâ jyehi eehid aalgâst.
Tárbu tágáráid vaanhimijehidáid lii puáttám kiärdulávt oovdân, já muáddi ive tassaaš lep ornim kyehti västideijee eehid nuorttâlâškielâlij párnái vaanhimáid. Moonnâm ive Sämitigge já Nuorttâlâškulttuursiättus meid uárnejii oovtâst savâstâllâmrááiđu nuorttâlâškielâ tiileest, mast lijjii saahâ meid kielâiäláskitmist já tobdoin, moh lohtâseh toos. Kuohtuin ovdiibeln mainâšum tábáhtusâin finnijm puorijd vuáttámušâid.
Sämitigge lii ovdil lamaš mieldi meid Kielâravviittuvâst, mii uárnejui kyevti sierâ haavâ ooleest. Veikâ tain vaanhimijehidijn ij lah saahâ kielâravviittuv juátkimist, te savâstâlmijn puátih oovdân vaarâ jo tobbeen uápisin šoddâm fáádáh.
Vaanhimijehideh uárnejuvvojeh vyesimáánust Ucjuuvâst, Anarist já Avelist, já toh juátkojeh čohčuv. Taan tiäđáttâsân peividuvvojeh uđđâ tábáhtusah.
Visásmittum vaanhimijehideh:
Ucjuuhâ, majebargâ 12.5. tme 18-20
Kylátáálu Giisá
Aanaar, majebargâ 19.5. tme 18-20
Avveel, koskokko 20.5. tme 18–20
Lasetiäđuh
Niina Aikio-Siltala
Eromâšäššitobdee, sämmilii arâšoddâdem pedagogiik
040 487 5414 / 010 839 3115
niina.aikio-siltala@samediggi.fi
