Vánhemiideahkedat: giela sirdin ja giellaealáskahttin
Sámediggi ordne sámegiel mánáid vánhemiidda oaivvilduvvon vánhemiideahkediid giela sirdimis ja giellaealáskahttimis. Vánhemiid eahkediin lea ulbmilin ságastallat ovttas áššiin ja dovdduin, mat láktasit giela sirdimii, giellaealáskahttimii ja sámegiela ovdáneami doarjumii.
Eahkedat leat oaivvilduvvon buohkaide sámegiel mánáid vánhemiidda das fuolakeahttá, man giela bearrašis hállet. Juohke dilálašvuođas lea mielde maiddái sámi psykososiála doarjaga ovttadaga Uvjja ovddastus. Ságastallamiin čuvvojuvvojit dorvvolut dili prinsihpat, mat mannojit čađa juohke eahkeda álggus.
Dárbu dákkár vánhemiideahkediidda lea boahtán jeavddalaččat ovdan, ja moadde jagi dassái lea ordnejuvvon guokte sullasaš eahkeda nuortalašgielat mánáid vánhemiidda. Dasa lassin diibmá Sámediggi ja Nuortalaškulturvuođđudus ordnejedje ovttas nuortalašgiela dillái vuojulduvvi ságastallanráiddu, main lei sáhka maiddái giellaealáskahttimis ja dovdduin, mat laktásit dasa. Guktuin, mat ovdalis máinnašuvvojedje, báhce buorit vásáhusat.
Sámediggi lea árabut leamaš mielde maiddái Giellarávvehagas, mii ordnejuvvui guovtti sierra prošeavtta oktavuođas. Vaikko dain vánhemiideahkediin ii leat gažaldat giellarávvehaga joatkimis, de ságastallamiin bohtet ovdan maiddái sihkkarit juo doppe oahpisin šaddan fáttát.
Vánhemiideahkedat ordnejuvvojit miessemánus Ohcejogas, Anáris ja Avvilis, ja dat joatkašuvvet čakčat. Dán dieđáhussii beaividuvvojit ođđa dáhpáhusat.
Nannejuvvon vánhemiideahkedat:
Ohcejohka, maŋŋebárga 12.5. dii. 18-20
Gilidállu Giisá
Anár, maŋŋebárga 19.5. dii. 18-20
Avvil, gaskavahkku 20.5. dii. 18-20
Lassidieđut
Niina Aikio-Siltala
Spesiálaáššedovdi, sámi árrabajásgeassima pedagogihka
040 487 5414 / 010 839 3115
niina.aikio-siltala@samediggi.fi
