Hitruus sánádâh digihárjuttâsah

Pyevtittâskuvvim

Hitruus sánádâh digihárjuttâsah láá Hitruu-rááiđu tievâsmittee sánádâhhárjuttâsah. Material puáhtá kevttiđ meid sierâ. Material lii vuávájum vuáđuškoovlâ 3.-6. luokai anarâškielâ máttááttâs várás.

Digihárjuttâsâin puáhtá hárjuttâllâđ siämmáid aašijd ko Hitruus sánádâh -materialist, hárjuttâsah láá täst digihäämist. Materialist láá meid ravvuuh máttáátteijee várás opettajille-siijđost.

Materiaalist puáhtá printtiđ muštokoortâid sánáduv hárjuttâllâm várás já pävirnukkeid sehe toi pihtâsijd. Muštokoortâi printtim várás siijđoh láá “opettajille”-siijđo lasesiskáldâsâst. Pävirnukeh printtim várás láá “käyttäjälle” uásist.

Huámmášume juvsâttetteevuođâst

Taat digitaallâš pyevtittâs ij lah juvsâttettee puoh kevtteid. Pyevtittâsâst sättih leđe čuávuvááh juvsâttetteevuotân lohtâseijee vááijuvvuođah:

Kuuvijn iä lah tekstâvastuuh, multimediasiskáldâsâin iä lah teevstah tâi kuvvimtulkkum, navigistem ij tooimâ ruuvdulohhein tâi puállupevdijn, kontrasteh iä lah tuárvi pyereh, pargopitáh iä lah iästuttemeh já pdf- tâi eres lahtostiätuvuárkká ij lah rááhtuslávt juvsâttettee.

Mij porgâp tääl digitaallij pyevtittâsâi juvsâttetteevuođâ pyeredem oovdân já peividep pyevtittâs máhđulâšvuođâi mield.

• Almostittemihe 2020
• Miina Seurujärvi