Sämmilij parlament 50 ive juhle
Sämmilij parlament 50 ive juhle juhloo Säämi kulttuurkuávdáš Sajosist Anarist majebaargâ 28. skammâmáánu 2023 tme 11 rääjist. Puohah láá tiervâpuáttim čuávvuđ juhle njuolgâ vuolgâttâs peht čujottâsâst www.sajos.fi/live.
Sämitige oovdâstjotten iivij 1973–1995 tooimâi Säämi Parlament, mii lâi vuáđudum tast adelum staatârääđi asâttâssáin 9. skammâmáánu 1973. Sämmilij parlamentaarlâš toimâ peesâi-uv joton Suomâst tolebáá, ko eres tave-enâmijn.
Sämitigge vuáđudui ive 1996 aalgâst jieijâs lavváin ive 1995 uđâsmittum vuáđulaavâ vuáđuld. Onnáá peeivi Sämitige váldutoimâttâh lii Anarist Säämi kulttuurkuávdáš Sajosist, kost meid Sämitige čuákkimeh tuállojeh jieijâs parlamentsalist.
Sämmilij parlament 50 ive juuhlán pääihi oolâ láá puávdejum Säämi parlament sehe Sämitige jesâneh sierâ valjâpoojijn, sämisiärváduv vaigutteijeeh, Suomâ staatâ já sierâ oovtâstpargopeelij ovdâsteijeeh sehe Sämitige pargeeh.
Juhle ohjelm almostittoo Sämitige nettisiijđoin www.samediggi.fi. Juhle puáhtá čuávvuđ njuolgâ vuolgâttâssân.
