Almottâttâm Säminuorâi taaiđâtábáhtusân álgá
Säminuorâi taaiđâtábáhtusân puáhtá almottiđ jieijâs 18.3.– 3.4.2024 koskâsâš ääigi. Almottâttâm tahhoo Webropol-ohjelm peht (liiŋkah vuoluubeln). Ama väldivetteđ huámmášumán, et servâm tuorâstuv láávdástmáid sehe kovetaiđuu já uánihisvideo almottem tahhojeh sierâ luámáttuvâiguin. Lasseen koskoho pargopáájáid sehe škoovlâi juávhui almottâttâm tahhojeh sierâ luámáttuvâiguin. Ravvuuh láávdástmáid, kovetaiđui já uánihisfiilmân kávnojeh tábáhtus njuolgâdusâin.
Kove: Ville Fofonoff / Sämitigge
Uánihis kuvviimeh koskoho pargopáájáin:
Säämimuseo já luándukuávdáš Siida váldučáitálduvvâst
Säämimuseo Siida pargopáájáh tuállojeh Enâmeh láá mii párnááh – Nämä maat ovat lapsiamme -váldučáitálduvvâst säämimuseo pargeiguin. Párnái pálgást (1.–4. lk) tun puávtáh teivâđ kyeličaasij häldee teikkâ skyelfi. Tyeji-pálgást (5.–9 lk já luvâttâh) uápásmup ellee säämi kulttuurärbivuáhán. Čáitáldâhân lii čaŋâlâm lasseen 16 uccâ figurid, maid uuccâm lii puohháid tego lasepargo. Tiervâpuáttim feerimlâš čáitáldâhmáátkán já teemapálgái pargoid!
Párnái kulttuurkuávdáš Mánnu
Tuášku já tánssáá! – Taputa ja tanssi! -pargopáájá. Pargopáájást hárjuttâllâp rytmiik já vuáijum. Uápásmup nuorttâsämmilâš tanssâärbivuáhán siärvuslâš vuoiŋâst. Pargopáájá heivee 3-6-lk. Pargopáájá stivrejeijen tuáimá Hanna-Maaria Kiprianoff.
Puđâldâllâm – Puđâldem -pargopáájá. Pargopáájást puđâldep magneet, mon fáddán lii kappeer. Puđâldem pargomudoh láá heiviittem, čuoppâm, lijmám. Pargopáájá heivee 0.–3-lk. Pargopáájá stivrejeijen tuáimá Petra B. Magga-Vars.
Kost lii muu koorood? -pargopáájá. Tanssâlâš páájá, mast vuáijup jieččân roopân já liihâdmân. Pargopáájá heivee 5.–9-lk. Pargopáájá stivrejeijen tuáimá Janita Rantanen.
Elleekovekuávdáš Skábma
Kuvvimpargopáájást rähtip suotâs koveilluusioid. Pargopáájá heivee 3.–6.lk Pargopáájást stivrejeijen toimâv Sunná Nousuniemi já Kevin Francett.
Nuorâirääđi
Sämitige nuorâirääđi pargopááiján taan ive taaiđâtábáhtusâst lii nuorâi tile. Paješkovlâláid já luvâttuv uáppeid tárguttum torvolâš tiileest lii máhđulâšvuotâ porgâđ ucce sämityeje stivrejeijein, spellâđ lyevdispeelâid, uásálistiđ nuorâirääđi porgâm kahoot-koijâdâlmân teikkâ tuše orroođ. Pääihi alne láá nuorâirääđi jesâneh.
Liŋkkâ škoovlâi almootmân: https://link.webropolsurveys.com/S/4D8EA1890858BEF2
Liŋkkâ pargopaajij almootmân: https://link.webropolsurveys.com/S/18B6761BCA82DBAF
Liŋkkâ oovdânpyehtimij almottâtmân: https://link.webropolsurveys.com/S/276690023E852711
Liŋkkâ kovetaiđuu/uánihisfiilmâ almootmân: https://link.webropolsurveys.com/S/5F23CF059C4B3E3D
Jis puátih mielân koččâmušah, ohtâvuođâ puáhtá väldiđ taaiđâtábáhtus proojeektpargei Miia Ruokojärvin.
Lasetiäđuh:
Miia Ruokojärvi
miia.ruokojarvi(at)samediggi.fi
0447775683
