Almmuheapmi Sámenuoraid dáiddadáhpáhussii álgá
Sámenuoraid dáiddadáhpáhussii sáhttá almmuhit iežas 18.3.–3.4.2024 gaskasaš áigge. Almmuheapmi dahkko Webropol-prográmma bokte (liŋkkat vulobealde). Amma vuhtiiváldibehtet, ahte searvan duorastaga lávdeovdanbuktimiidda sihke govvadáidaga ja oanehisvideo almmuheapmi dahkkojit sierra skoviiguin. Lassin gaskavahku bargobájiide ja skuvllaid joavkkuid almmuheapmi dahkkojit sierra skoviiguin. Rávvagat lávdeovdanbuktimiidda, govvadáidagii ja oanehisvideoi gávdnojit dáhpáhusa rávvagiin.
Govva: Ville Fofonoff / Sámediggi
Oanehis govvádusat gaskavahku bargobájiid birra:
Sámemusea ja luondduguovddáš Siidda váldočájáhusas
Sámemusea Siidda bargobájit dollojit Enâmeh láá mii párnááh – Dát eatnamat leat min mánát -váldočájáhusas sámemusea bargiid oahpistemiin. Mánáid bálgás (1.–4. lk) sáhtát deaivat guollečáziid háldi dahje jievjaskuolffi. Duodji-bálgás (5.–9. lk ja logahat) oahpásmuvvat ealli sápmelaš kulturárbevirrui. Čájáhussii lea čákŋalan lassin 16 unna figuvrra, maid ohcan lea buohkaide dego lassebargu. Buresboahtin vásáhuslaš čájáhustuvrii ja bargat temábálgáid bargguid!
Mánáid kulturguovddáš Mánnu
Doaškko ja dánsso! – Taputa ja tanssi! -bargobádji. Bargobájis hárjehallat rytmihka ja vuodjuma. Oahpásmuvvat nuortalaš dánsaárbevirrui searvvušlaš vuoiŋŋas. Bargobádji heive 3.–6.lk. Bargobáji stivrejeaddjin doaibmá Hanna-Maaria Kiprianoff.
Buđaldallan – Askartelu –bargobádji. Bargobájis buđaldit magnehta, man fáddán lea gahpir. Buđaldeami bargomuttut leat heiveheapmi, čuohppan, liibmen. Bargobádji heive 0.–3.lk. Bargobáji stivrejeaddjin doaibmá Petra B. Magga-Vars.
Gos lea mu gorut? -bargobádji. Dánssalaš bádji, mas vuodjut iežamet gorudii ja lihkastahkii. Bargobádji heive 5.–9.lk. Bargobáji stivrejeaddjin doaibmá Janita Rantanen.
Filbmaguovddáš Skábma
Govvenbargobájis ráhkadit somás govalaš illušuvnnaid. Bargobádji heive 3.–6.lk. Bargobájis stivrejeaddjin doibmet Sunná Nousuniemi ja Kevin Francett.
Nuoraidráđđi
Sámedikki nuoraidráđi bargobádjin dán jagi dáiddadáhpáhusas lea nuoraid dilli. Badjeskuvllalaččaide ja logahaga oahppiide oaivvilduvvon dorvvolaš sajis lea vejolašvuohta duddjot stivremiin, speallat lávdespealuid, searvat kahoot-gažadeapmái, man nuoraidráđđi lea dahkan dahje dušše orodit ja leat. Báikki alde leat nuoraidráđi lahtut.
Liŋka skuvllaid almmuheapmái: https://link.webropolsurveys.com/S/4D8EA1890858BEF2
Liŋka bargobájiide almmuheapmái: https://link.webropolsurveys.com/S/18B6761BCA82DBAF
Liŋka ovdanbuktimiid almmuheapmái: https://link.webropolsurveys.com/S/276690023E852711
Liŋka govvadáidaga/oanehisvideo almmuheapmái: https://link.webropolsurveys.com/S/5F23CF059C4B3E3D
Jos bohtet millii gažaldagat, oktavuođa sáhttá váldit dáiddadáhpáhusa prošeaktabargái Miia Ruokojärvii.
Lassedieđut:
Miia Ruokojärvi
miia.ruokojarvi(at)samediggi.fi
0447775683
