Iʹlmmtõõttmõš Sääʹmnuõri čeäʹppvuõttpeeiʹvid älgg
Sääʹmnuõri čeäʹppvuõttpeeiʹvid vuäitt iʹlmmtõõttâd 18.3.–3.4.2024 kõõskâst. Iʹlmmtõõttmõõžž tuejjeet Webropol- prograammin (liiŋk vueʹlnn). Hoʹhssjeʹǩed, što vuässõõttmõš nelljdpeeiʹv lueʹv âʹlnn vueiʹnnemnalla åårrai čuäjtõõzzid di koovvčeäppõõzz da vuäʹnkõsvideoi iʹlmmtõõttmõõžž lie jeeʹres lomaakkin. Lââʹssen seärad tuâjjpaaʹjid di škoouli joouki iʹlmmtõõttmõõžžid âlgg tuejjeed jeeʹres lomaakkivuiʹm. Vuäppõõzz lueʹv âʹlnn vueiʹnnemnalla åårrai čuäjtõõzzid, koovvčeäppõʹsse da vuäʹnkõsvideoid käunnʼje čeäʹppvuõttpeeiʹvi vuâkkõõzzin.
Snimldõk: Ville Fofonoff / Sääʹmteʹǧǧ
Vuäʹnkõs kovvõõzz seärad tuâjjpaaʹjin:
Sääʹm-museo da luâttkõõskõs Siida väʹlddčuäjtõõzzâst
Sääʹm-museo Siidan tuâjjpaaʹjid ââʹnet Enâmeh láá mii párnááh – Täk jânnam lie mij päärna -väʹlddčuäjtõõzzâst sääʹm-museo tuâjjlai jååʹđtõõzzin. Päärnai pälggsest (1.–4. kl) vuäitak vuõinnlõõttâd kueʹllčaaʹʒʒi haʹlddjin leʹbe viõʹlǧǧeshõʹppjin. Duodji-pälggsest (5.–9. kl da lookkjiškooul) tobdstõõđât sääʹm jieʹlli kulttuurärbba. Čuäjtõʹsse lie čaaŋŋlam lââʹssen 16 uʹcc häämmad, koi ooccmõš mâânn pukid lââʹsstuâjjan. Pueʹtted tiõrvân jeäʹlstõõzzlaž čuäjtõʹsse teeʹmmpälggsi tuâjai mieʹldd!
Päärnai kulttuurkõõskõs Mánnu
Peäčkkat da taʹnsse! –tuâjjpääʹjj. Tuâjjpääʹjest harjjtõõlât rytmiikk da vuäjjnummuž. Tobdstõõđât nuõrttsääʹm tanssäʹrbbvuõʹtte õhttsallaš jiõʹǧǧe. Tuâjjpääʹjj suäpp 3.–6. kl. Tuâjjpääʹj ohjjeeʹjen toiʹmmai Hanna-Maaria Kiprianoff.
Tuõjjstõõllâm -tuâjjpääʹjj. Tuâjjpääʹjest raajât magneeʹtt, koonn teeʹmmen lij keäʹpper. Tuõjstõõllmõõžž tuâjjmäʹtten lie šiõttʼtõõllmõš, peäʹcǩǩummuš, liʹjmmjummuš. Tuâjjpääʹjj suäpp 0.–3. kl. Tuâjjpääʹj ohjjeeʹjen toiʹmmai Petra B. Magga-Vars.
Koʹst lij vardd? -tuâjjpääʹjj. Taanslaž pääʹjj, koʹst vuäjjnet jiiʹjjes vaʹrdde da liikkõʹšše. Tuâjjpääʹjj suäpp 5.–9. kl. Tuâjjpääʹj ohjjeeʹjen toiʹmmai Janita Rantanen.
Jieʹllikarttkõõskõs Skábma
Sniimmâmtuâjjpääʹjest raajât hääʹsǩes koovlaž illuusioid. Tuâjjpääʹjj suäpp 3.–6. kl. Tuâjjpääʹjest ohjjeeʹjen toiʹmmje Sunná Nousuniemi da Kevin Francett.
Nuõrisuåvtõs
Sääʹmteeʹǧǧ nuõrisuåvtõõzz tuâjjpääʹjjen tän eeʹjj čeäʹppvuõttpeeiʹvin lij nuõri päiʹǩǩ. Pââibužškooulniiʹǩǩid da lookkjiškooulniiʹǩǩid jurddum staan pääiʹǩest vuäitt tuejjeed ohjjuum smavv sääʹmǩiõtt-tuâj, speâllad luʹvddspeâlaid, vuässõõttâd nuõrisuåvtõõzz raajjâm kahoot-ǩiõšttu leʹbe tåʹlǩ heʹŋŋõõllâd da ååreed. Pääiʹǩ âʹlnn nuõrisuåvtõõzz vuäzzla.
Liŋkk škoouli iʹlmmtõõttmõʹšše: https://link.webropolsurveys.com/S/4D8EA1890858BEF2
Liŋkk tuâjjpaaʹjid iʹlmmtõõttmõʹšše: https://link.webropolsurveys.com/S/18B6761BCA82DBAF
Liŋkk čuäjtõõzzi iʹlmmtõõttmõʹšše: https://link.webropolsurveys.com/S/276690023E852711
Liŋkk koovvčeäppõõzz/vuäʹnkõsvideo iʹlmmtõõttmõʹšše: https://link.webropolsurveys.com/S/5F23CF059C4B3E3D
Jõs šâʹdde kõõččmõõžž, vueiʹttveʹted ââʹnned õhttvuõđ čeäʹppvuõttpeeiʹvi projeʹktt-tuâjjlain Miia Ruokojärvin.
Lââʹssteâđ:
Miia Ruokojärvi
miia.ruokojarvi(at)samediggi.fi
0447775683
