Sämitigge almoot uuccâmnáál ekonomiavuávájeijee virge
Sämitigge almoot uuccâmnáál ekonomiavuávájeijee virge.
Pargo álgáččij 1.5.2024 tâi sopâmuš mield.
Ekonomiavuávájeijee pargon lii ei. oovtâstpargoost Sämitige ekonomiačällee iššeen já sajasâžžân hoittáđ Sämitige ekonomiahaldâttuv olesvuođâ já reekkigtuálu, rähtiđ tige njunošij ekonomiaraportijd, huolâttiđ Sämitige kerdimáávsui máksujotoluvâst sehe išediđ pargeid ekonomiahaldâttâhân kyeskee äššikiirjij rähtimist já huolâttiđ ekonomiačällee iššeen já sajasâžžân tige almostorjui ucâmist já čielgiittâsâi addelmist. Ekonomiavuávájeijee pargoh láá luvâttâllum Sämitige pargo-oornig saajeest 27 a. Toimâpäikki lii Säämi kulttuurkuávdáš Sajosist, Anarist.
Tohálâšvuođâiähtun lii tooimâ vaattâm škovlim já sämikielâ máttu (asâttâs 1727/95). Pargo miänástuvvee hoittáámist iššeed hiäivulâš ollâškovlâtođhos, šiev ekonomiahaldâttuv já haaldâtlij pargoi tubdâm sehe šiev oovtâstpargo- já vuáruvaikuttâstááiđuh. Mij vyerdip meid kiärgusvuođâ jiečânâs já ovdâsvástádâslii porgâmân sehe šiev tedduuhaldâšemnaavcâid.
Ekonomiavuávájeijee pälkki miärášuvá Sämitige pälkkivuáháduv vátávâšvuotâtääsi IV/III mield (vuáđupälkki 2792,81 eurod/mp). Vuáđupäälhi lasseen pargoost máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh. Tooimâst nuávditteh kuuđâ mánuppaje keččâlemääigi.
Uuccâmreeivâ sehe máhđulâš ánsuluvâttâllâm já eres lahtosijd kalga macâttiđ Sämitige čäällimkoodán 29.2.2024 räi taan uuccâmluámáttuv peht (lekkâs uđđâ laasân).
Lasetiäđuid pargoost addel Sämitige haldâttâhhovdâ Pia Ruotsala-Kangasniemi p. 010 839 3106.
Sämitige tooimân puáhtá uápásmuđ nettičujottâsâst www.samediggi.fi.
Anarist 29.1.2024
Sämitigge
