Sámediggi almmuha ohcan láhkai ekonomiijaplánejeaddji virggi

Ekonomiijaplánejeaddji bargun lea ee. oktasašbarggus Sámedikki ekonomiijačálli veahkkin ja sadjásažžan dikšut Sámedikki ekonomiijahálddahusa oppalašvuođa ja ruhtadoalu, ráhkadit Sámedikki njunnošiid ekonomiijaraporttaid, fuolahit Sámedikki hávális buhtadusaid máksinjođus sihke veahkehit bargoveaga ekonomiijahálddahusa guoski áššebáhpáriid ráhkadeamis ja fuolahit ekonomiijačálli veahkkin ja sadjásažžan Sámedikki almmolašdoarjaga ohcamis ja čilgehusaid addimis. Ekonomiijaplánejeaddji barggut leat meroštallon Sámedikki bargoortnega čuoggás 27 a. Doaibmabáiki lea sámekulturguovddáš Sajosis, Anáris.

Gelbbolašvuođaeaktun leat barggu eaktudan skuvlejupmi ja sámegiela máhttu (ásahus 1727/95). Barggu ceavzilis dikšuma veahkehit heivvolaš allaskuvladutkkus, ekonomiijahálddahusa ja hálddahusbargguid buorre dovddiidus ja maiddái buorit oktasašbargo- ja gulahallandáiddut. Vuordit válmmašvuođa iehčanas, vásttolaš bargamii ja maiddái buori streassagierdannávcca.

Ekonomiijaplánejeaddji bálká mearrašuvvá Sámedikki bálkávuogádaga gáibádusdási IV/III mielde (vuođđobálká 2792,81 €/mb). Vuođđobálkká lassin barggus máksojuvvojit 24 %:a sámeguovllu lassi, dallego bargá sámiid ruovttuguovllus, ja maiddái ahkelasit, mat mearrašuvvet bargojagiid mielde. Barggus čuvvojuvvo guđa mánotbaji geahččalanáigi.

Ohcanreivve sihke vejolaš ánsologahallama ja eará čuvvosiid galgá máhcahit Sámedikki čállingoddái 29.2.2024 rádjai dán ohcanskovi bokte (rahpasa ođđa ruvttui).

Lassidieđuid barggus addá Sámedikki hálddahushoavda Pia Ruotsala-Kangasniemi t. 010 839 3106.

Sámedikki doibmii sáhttá oahpásmit neahttačujuhusas www.samediggi.fi

Anáris 29.1.2024
Sámediggi