Sääʹmteʹǧǧ iʹlmmat ooccâmnalla tällõsplaanni veeʹrj

Tällõsplaanni tuâjjan lij jm. õhttsažtuâjast sääʹmteeʹǧǧ tällõspiisar vieʹǩǩen da sâjjsiʹžžen håiddad Sääʹmteeʹǧǧ tällõsvaaldâšm obbvuõđ da ǩeeʹrjtuõʹllʼjummuž, raajjâd teeʹǧǧ jååʹđteeʹji tällõsrapoortid, ââʹnned huõl Sääʹmteeʹǧǧ paʹlǩǩõõzzi mähssjoottlõõǥǥâst di vieʹǩǩted tuâjjlažkååʹdd tällõsvaaldâšm kuõskki äʹššǩiiʹrji raajjmõõžžâst da ââʹnned huõl tällõspiisar vieʹǩǩen da sâjjsiʹžžen teeʹǧǧ takaivieʹǩǩtõõzzi ooccmõõžžâst da čiõlǥtõõzzi ouddmõõžžâst. Tällõsplaanni tuâj lie looǥǥtõllum Sääʹmteeʹǧǧ tuâjjriâššmõõžž pääiʹǩest 27 a. Tuâjjpäiʹǩǩ lij sääʹmkulttuurkõõskõs Sajoozzâst, Aanrest.

Ââʹntemkaiʹbbjõsân lij tuâj õõlǥtem škooultõs da sääʹmǩiõlltäidd (asetõs 1727/95). Tuâj oʹnstam håiddmõõžž õõudâsvieʹǩǩat ânnʼjõõvvi õllškooultuʹtǩǩõs, šiõǥǥ tällõsvaaldâšm da vaaldšmallaš tuâjai tobddmõš di pueʹr õhttsažtuâjj- da vuârrvaaiktemtääid. Vueʹrddep vaalmâšvuõđ jiõččnaž, vaʹstteemvuõđlaž tuejjummša di šiõǥǥ teäddseännamoodd.

Tällõsplaanni päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/III mieʹldd (vuâđđpäʹlǩǩ 2792,81 euʹrred/mp). Vuâđđpääʹlǩ õõl tuâjast määuʹset 24 % sääʹmvuuʹd lââʹzz sääʹm dommvuuʹdest tuejjeen di tuõjju härjjnem mieʹldd meäʹrtõõvvi lõõʹzzid. Tuâjast ââʹnet kuuđ määnpââʹj ǩiččlõddâmääiʹj.

Ooccmõšǩeʹrjj di vueiʹtlvaž merittloǥstõk da jeeʹres meâlddõõzzid âlgg maaccted 29.2.2024 räjja mõõneeʹst tän ooccmõšlomaakk pääiʹǩ (ävvan ođđ ikkna).

Lââʹssteâđaid tuâj pirr oudd Sääʹmteeʹǧǧ vaaldâšmjååʹđteei Pia Ruotsala-Kangasniemi t. 010 839 3106.

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.

Aanrest 29.1.2024
Sääʹmteʹǧǧ