Maasâd

Sämitige saavâjođetteijeeh teivâdii aalmugovdâsteijeid Helsigist

Almostittum 22.6.2026

Sämitige saavâjođetteijeeh teivâdii 10.–12.6.2026 Helsigist aalmugovdâsteijeid já eres vaikutteijeid. Teivâdmijn savâstâllii sämmilij tuotâvuotâ- já sovâdâttâmkomissio oovdânpyehtim tooimâi olášutmist, Sämitige uulmijn čuávuváá haldâttâsohjelmân, Sämitige ovdâskoddemuštâlus kuávdáš iävtuttâsâin já ovdâmerkkân Sämitige budjetist.

Saamelaiskäräjien puheenjohtaja Pirita Näkkäläjärvi ja Kokoomuksen kansanedustaja, saamelaisten totuus- ja sovintokomission suosituksia arvioivan parlamentaarisen työryhmän puheenjohtaja Maaret Castrén. Kuva: Niina Siivikko.

Sämitige saavâjođetteijee Pirita Näkkäläjärvi já Kokoomus aalmugovdâsteijee, sämmilij tuotâvuotâ- já sovâdâttâmkomissio avžuuttâsâid árvuštellee parlamentaarlii pargojuávhu saavâjođetteijee Maaret Castrén. Kove: Niina Siivikko.

Teivâdmij kuávdáš ulmen lâi pyehtiđ oovdân sämmilij vuárdámušâid tuotâvuotâ- já sovâdâttâmpaargon. Sämitige uáinu mield sovâdâttâmproosees oskottetteevuotâ váátá konkreetlijd tooimâid, vâi lii máhđulâš sirdâšuđ saanijn tavoi olášutmân.

–Tuotâvuotâ- já sovâdâttâmkomissiopargo lii sämmiláid stuorrâ máhđulâšvuotâ. Komissio loppâraapoort toimâiävtuttâsâi vuáđuld lii máhđulâš finniđ puigâ nubástus já uđđâ áálguid sämiaašijn Suomâst. Sämitige vuárdámušah láá ollâgâsâst jotkâpargo háárán, iätá saavâjođetteijee Pirita Näkkäläjärvi.

Sämitige saavâjođetteijeeh puohtii teivâdmijn oovdân tooimâid, moh láá priorisistum tievâsčuákkim uáivilalmottâsâst 26.2.2026, já tuoivuu, ete tooimâi olášutmân pargoo meritiätulâš pargo valjâpoojij paijeel.

Sämitigge oovdânpuovtij jieijâs uulmijd haldâttâsohjelmân 2027–2031

Teivâdmijn savâstâllii meid Sämitige uulmijn puáttee haldâttâsohjelmân. Uulmijn tiäduttuvvoo eromâšávt tuotâvuotâ- já sovâdâttâmkomissio toimâiävtuttâsâi olášuttem, sämmilij vuoigâdvuođâi nanodem sehe sämikulttuur já ärbivuáválij iäláttâsâi eellimvuáimálâšvuođâ turvim ohtsâškode sierâ uásisuorgijn.

Válduteemah láá meid šoŋŋâdâhnubástusân vuáhádum sehe sämmilij uásálâšvuođâ nanodem EU-miärádâstohâmist.

– Sämitigge tuáivu, ete Sämitige iävtuttâsâid puávtáččii väldiđ mieldi puáttee haldâttâsohjelmân, tastko puoh kuulmâ ellee sämikielâ já sämikulttuur paijeentoollâm já ovdedem láá oles Suomâ ohtsiih ääših, iätá saavâjođetteijee Näkkäläjärvi.

Sämitige iävtuttâsah haldâttâsohjelmân 2027–2031:

  1. Tuotâvuotâ- já sovâdâttâmkomissio toimâiävtuttâsâi olášuttem
  2. Puásuituálu toimâhinnái turvim: sämmilii puásuituálu jieijâs laahâ já haldâttâh sehe puásuituálu etitoorjâvuáhádâh
  3. Šoŋŋâdâhnubástusân vuáhádum
  4. Iäláttâsruttârááju
  5. Sämiaašij sierânâsäššitubdâm EU-oovdâstmist
  6. Säämi Kielâkäldee lahâaasâtlii sajattuv já ruttâdem turvim
  7. Sämmilii kulttuurmeriruuđâ nanodem
  8. Kumulatiivlij vaikuttâsâi árvuštâllâm ovdedem
  9. Kuálástemvuoigâdvuođâi turvim
  10. Maašinlii kollekuáivum lopâttem sämmilij päikkikuávlust
  11. ILO 169-sopâmuš ratifisistem
  12. Sosiaal- já tiervâsvuotâpalvâlusâi finnim turvim
  13. Sämikielâi máttááttâs já sämimáttááttâs oles enâmist
  14. Kielâlij vuoigâdvuođâi turvim: säämi kielâlaavâ uđâsmittem, säämi kielâlaavâ 31 § toorjâ já digitalisistem
  15. Sämikielâi ovdedem
  16. Arâšoddâdem finnim turvim
  17. Nuorâipargo finnim turvim
  18. OA algâaalmugij vuoigâdvuođâi julgáštus aalmuglâš olášuttem
  19. OA algâaalmugij uásálistemvuoigâdvuotâ

Haldâttâsohjelmuulmij lasseen teivâdmijn pajanii oovdân budjetkoččâmušah, eromâšávt Sämitige lahâaasâtlij pargoi ruttâdem já máhđulâšvuođah čuosâttiđ laseruttâdem sämikielâláid arâšoddâdem oppâmaterialáid.

Teivâdmeh piäládâhraajij rasta

Oho ääigi Sämitige saavâjođetteijeeh teivâdii máttááttâsminister Anders Adlercreutz já staatâčällee Mikaela Nylander. Lasseen ovdâskoddeest teivâdii vijđáht Kokoomus, RAP, SDP, Kuávdáš, Čižetlito já Ruánái aalmugovdâsteijeid já ovdâskoddejuávhuid.

Lasseen teivâdii Sämmilij tuotâvuotâ- já sovâdâttâmkomissio avžuuttâsâid árvuštellee parlamentaarlii pargojuávhu saavâjođetteijee Maaret Castrén (kok) já 2. värisaavâjođetteijee Johanna Ojala-Niemelä (sd).

Saavâjođetteijee Näkkäläjärvi teivâdij meid Sämmilij tuotâvuotâ- já sovâdâttâmkomissio avžuuttâsâid árvuštellee parlamentaarlii pargojuávhu uáivičällee Antti Rinne sehe tuotâvuotâ- já sovâdâttâmkomissio saavâjođetteijen toimâm Hannele Pokka.

Sämitige delegaation kullii saavâjođetteijee Pirita Näkkäläjärvi, II värisaavâjođetteijee Tuomas Aslak Juuso sehe saavâjođetteijei sierânâsišedeijeeh Niina Siivikko já Minna Näkkäläjärvi.

Ruotsalaisen eduskuntaryhmän ryhmäkokouksessa, vasemmalta: Saamelaiskäräjien II varapuheenjohtaja Tuomas Aslak Juuso, eduskuntaryhmän puheenjohtaja Otto Andersson, opetusministeri ja puolueen puheenjohtaja Anders Adlercreutz ja Saamelaiskäräjien puheenjohtaja Pirita Näkkäläjärvi. Kuva: Niina Siivikko.

Ruátálii ovdâskoddejuávhu juávkkučuákkimist, čižetpeln: Sämitige II värisaavâjođetteijee Tuomas Aslak Juuso, ovdâskoddejuávhu saavâjođetteijee Otto Andersson, máttááttâsminister já piäláduv saavâjođetteijee Anders Adlercreutz já Sämitige saavâjođetteijee Pirita Näkkäläjärvi. Kove: Niina Siivikko.

Lisäksi tavattiin Saamelaisten totuus- ja sovintokomission suosituksia arvioivan parlamentaarisen työryhmän puheenjohtaja Maaret Castrén (kok) ja 2. varapuheenjohtaja Johanna Ojala-Niemelä (sd).Puheenjohtaja Näkkäläjärvi tapasi myös Saamelaisten totuus- ja sovintokomission suosituksia arvioivan parlamentaarisen työryhmän pääsihteerin Antti Rinteen sekä totuus- ja sovintokomission puheenjohtajana toimineen Hannele Pokan. Saamelaiskäräjien delegaatioon kuuluivat puheenjohtaja Pirita Näkkäläjärvi, II varapuheenjohtaja Tuomas Aslak Juuso sekä puheenjohtajien erityisavustajat Niina Siivikko ja Minna Näkkäläjärvi.

Sämitige II värisaavâjođetteijee Tuomas Aslak Juuso, SDP 2. värisaavâjođetteijee Niina Malm já Sämitige saavâjođetteijee Pirita Näkkäläjärvi. Kove: Niina Siivikko.

Lasetiäđuh:

Pirita Näkkäläjärvi
Saavâjođetteijee
044 753 3766
pirita.nakkalajarvi@samediggi.fi

Jyevi siijđo ovdâskulij

Eres uđđâseh