Sämitige stiivrân tohhum vuoigimvátámâšah kieđâvuššojeh 1.–2.8.2023

Sämitige stivrâ čokkân kieđâvuššâđ valjâlävdikode miärádâsâin tohhum vuoigimvátámâšâid 1.–2.8.2023.

Sämitiggeest adelum laavâ 26 § 2 moomeent mield valjâlävdikode miärádâsân tutâmettum puáhtá toohâđ Sämitige stiivrân vuoigimvátámâš, jis feeree, ete sun lii vuoigâdvuođâttáá kuođđum meddâl valjâluvâttâlmist tâi ete sunjin kyeskee merkkim valjâluvâttâlmist lii puástud. Sämitige stiivrân lii kolgâm toohâđ vuoigimvátámâšâid 14 peeivi siste Sämitige valjâlävdikode miärádâs tiättunfinnimpeeivist.

Sämitige stivrâ kieđâvuš toos čujottum vuoigimvátámâšâid čuákkimstis, mii tuálloo 1.–2.8.2023 Anarist. Vuoigimvátámâš toohâm ulmuid vuolgâttuvvoo miärádâs poostâ mield tuođâštuslâš tiättunaddelmin nuuvt jotelávt ko máhđulâš čuákkim maŋa, ko čuákkim pevdikirje lii tärhistum.

Lasetiäđuh:
Miärádâstoohâm uásild:
Anni Koivisto
I värisaavâjođetteijee
040 415 5969
anni.koivisto(a)samediggi.fi

Haldâttuv uásild:
Pia Ruotsala-Kangasniemi
Haldâttâhhovdâ
010 839 3106 / 040 726 2688
pia.ruotsala(a)samediggi.fi