Sámedikki stivrii dahkkon vuigengáibádusat meannuduvvojit 1.–2.8.2023

Sámedikki stivra čoahkkana gieđahallat válgalávdegotti mearrádusain dahkkon vuigengáibádusaid 1.–2.8.2023.

Sámedikkis addon lága 26 § 2 momeantta mielde válgalávdegotti mearrádussii duhtameahttun sáhttá bidjat vuigengáibádusa sámedikki stivrii gieđahallanláhkai, juos oaivvilda, ahte son lea eahpevuoiggalaččat guđđojuvvon eret válgalogahallamis dahje ahte su guoski merkejupmi válgalogahallamis lea boastut. Vuigengáibádusaid galggai dahkat Sámedikki stivrii 14 beaivve siste Sámedikki válgalávdegotti čovdosa diehtunoažžunbeaivvis.

Sámedikki stivra meannuda dasa čujuhuvvon vuigengáibádusaid čoahkkimisttis, mii dollojuvvo 1.–2.8.2023 Anáris. Olbmuide, geat leat dahkan vuigengáibádusaid, čoavddus sáddejuvvo poastta mielde diehtunaddimiin duođaštusa vuostá nu johtilit go vejolaš čoahkkima maŋŋá go beavdegirji lea dárkkistuvvon.

Lassidieđut:
Mearrádusdahkkiid beales:
Anni Koivisto
I várreságadoalli
040 415 5969
anni.koivisto(a)samediggi.fi

Hálddahusa beales:
Pia Ruotsala-Kangasniemi
Hálddahushoavda
010 839 3106 / 040 726 2688
pia.ruotsala(a)samediggi.fi