Sämitigge ocá káidusmáttááttâs koordinaattor

Sämitigge almoot uuccâmnáál sämikielâi káidusmáttááttâshaavâ koordinaattor meriáigásii pargo

Pargo álgá 1.8.2021 já pištá 31.12.2021 räi. Proojeektkoordinaattor västid ohtâvuođâin Suomâ sierâ kuávlui škovláid, škovlim uárnejeijeid já vanhimáid. Koordinaattor čuákkee sämikielâi máttááttâsjuávhuid já tuáimá aldasâš ohtsâšpargoost Ucjuuvâ kieldâst tuáimee proojeekthovdáin já haavâ eres pargeiguin. Proojeektkoordinaattorin kuleh meid tieđettem já oovdânpyehtimpargoh. Proojeekt uárnee káidusmáttááttâs, mii lii vuáđumáttááttâs já luvâttâhškovlim tievâsmittee sämikielâi (aanaar-, nuorttâ- já tavesämikielâ) máttááttâs, sämmilij päikkikuávlu ulguubelkieldâi škovláid. Proojeekt ruttâd máttááttâs- já kulttuurministeriö.

Pargo miänástuvvee tipšom išedeh sämisiärvus tubdâm já máttu porgâđ jiešráđálávt. Tohálâšvuotâvátámâššân lii pargo vaattâm hiäivulâš škovlim já sämikielâ táiđu (asâttâs 1727/95). Projektist västid škovlim- já oppâmaterialtoimâttâh já hovdân tuáimá škovlimčällee.

Proojeektkoordinaattor pälkki miärášuvá Sämitige pälkkivuáháduv vátámâštääsi IV/IV mield (vuáđupälkki 2 572,13 €). Vuáđupäälhi lasseen máksoo 24 % sämikuávlu lase já pargohárjánemlase. Pargoucâmuš lahtosijguin kalga toimâttiđ 31.5.2021 räi čujottâsân https://www.sympahr.net/public/pq.aspx?1e73e825.

Lasetiäđuid addel škovlimčällee Ulla Aikio-Puoskari, ulla.aikio-puoskari(at)samediggi.fi , puh 010 839 3112.

Anarist 17.5.2021
Sämitigge