Sämitigge ocá meriáigásii EU-aašij já siärvuslii munemietâmâš (FPIC) eromâšäššitobdee
Sämitigge almoot uuccâmnáál EU-aašij já siärvuslii munemietâmâš (FPIC) eromâšäššitobdee meriáigásii virgekoskâvuođâ
EU- já FPIC-eromâšäššitobdee tuáimá vättee äššitobdee- já oovdânpyehteepargoost. Sun västid EU-aašij valmâštâlmist já koordinistmist sehe siärvuslii munemietâmâšân (FPIC) kyeskee aašij valmâštâlmist já oovdânpyehtimist. Pargo juáhás siskáldâs peeleest kyevti olesvuotân tienuuvt, ete EU-aašij valmâštâllâm váldá 50 % já munemietâmâšääših 50 % pargoääigist.
EU-aašij valmâštâlmân já koordinistmân kulá ei.
- čuávvuđ EU miärádâstoohâm já kuávdášlij politiik-, ohjelm- já siäđusprosesij ovdánem sehe koordinistiđ Sämitige siskáldâs EU-valmâštâllâm oovtâstpargoost sektorij ovdâsvástádâsvirgeulmuiguin,
- tuárjuđ já išediđ Sämitige EU-uáivilij, ciälkkámušâi já eres EU-aššijd lohtâseijee äššikiirjij siskáldâslii valmâštâlmist,
- heiviittiđ oohtân EU-aašij valmâštâlmân lohtâseijee äigitaavluid,
- teivâdiđ čonâsjuávhuid já uásálistiđ táárbu mield Sämitige toimâsuárgán kyeskee ráđádâlmáid.
Siärvuslij munemietâmâšâi (FPIC) valmâštâllâm já oovdânpyehteepargoid kuleh ei. munemietâmâšucâmušâi árvuštâllâm, valmâštâllâm já oovdânpyehtim Sämitige tutkâmeettisii rááđán, huolâttiđ lasečielgiittâsâin, miärádâsâi olášutmist já čuávumist. Pargoid kulá meid valmâštâllâđ iävtuttâs siärvuslij munemietâmâšâi mieđeetmân kyeskee monâttâlmin ááigán ive 2027 maŋa.
Palvâluskoskâvuođâ tiäđuh
Pargo álgá sopâmuš mield nuuvt jotelávt ko máhđulâš já pištá 31.12.2027 räi. Pargo tevdimist nuávdittuvvoo neelji mánuppaje keččâlemäigi.
Meriáigásii eromâšäššitobdee toimâ lii Sämitige almos toimâttuv vuálásâš.
Sämitige toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ káiduspargon.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm hiäivulâš škovlim já lasseen váttoo sämikielâ mättim (Sämitige pargo-oornig 71 §).
Pargo miänástuvvee hoittám váátá:
- hiäivulii aaleeb ollâškovlâtotkos
- eromâš pyere kirjálii já njálmálii olgospyehtim
- hárjánem vättee äššitobdee- já valmâštâllâmpargoin
- šiev oovtâstpargo-, vuáruvaikuttâs- já ráđádâllâmtááiđuid
- naavcâ jiečânâs porgâmân, olesvuođâi haaldâšmân já äigitaavlui koordinistmân
- eromâš pyere eŋgâlâskielâ tááiđu.
Pargo hoittáámist iššeed eromâšávt:
- EU-politiik já EU njuolgâdus- já ohjelmprosesij tubdâm
- sämikulttuur, sämmilij vuoigâdvuođâi já sämmilii päikkikuávlu tiilij šiev tubdâm
- FPIC-prinsiip já toos lohtâseijee riävtálij já eettisij koččâmušâi tubdâm.
Pälkki
Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, sehe rijjâtátulii, rijjâhámásii uuccâmreeivâ sehe máhđulii ánsuluvâttâllâm já eres lahtosijd (kirjálijd tuođâštusâid kielâtááiđust já totkosijn) kalga toimâttiđ Sämitige čäällimkoodán majemustáá 28.5.2026 räi taan šleđgâlii uuccâmluámáttuv peht (lekkâs uđđâ laasân):
Lasetiäđuid pargoost addel haldâttâhjođetteijee Pia Ruotsala-Kangasniemi, pia.ruotsala@samediggi.fi, puh. 040 726 2688.
Sämitige tooimân puáhtá uápásmuđ nettičujottâsâst www.samediggi.fi
Anarist 7.5.2026
Sämitigge
