Sämitigge ocá meriáigásii hahâvuávájeijee Vasan matka – ovdâsvástádâslâš sämimađhâšem sertifikaat ovdedemhaahân

Pargo álgáččij 1.7.2024 já pištá 31.6.2025 räi. Pargo soijimsaje lii Säämi kulttuurkuávdáš Sajos, Aanaar, mutâ pargo lii máhđulâš porgâđ káiduspargon.

Hahâvuávájeijee pargon lii valmâštâllâđ ovdebijn haavâin algâttum ovdâsvástádâslii sertifikaat kriterijd já raavâteevstâid, orniđ čonâsjuávkkukulâmijd páihálijguin sehe sämimađhâšemirâtteijeiguin, rähtiđ ovdâsvástádâslii sämimađhâšemsertifikaat ornijdume maali vuáháduvâiguin sehe huolâttiđ sertifikaatân lohtâseijee viestâdmist já tieđeetmist. Toos lasseen hahâvuávájeijee västid haavâ ekonomia já olášuttem čuávumist sehe hahâraapoort čälimist.

Tohálâšvuođâiähtun lii tooimâ vaattâm hiäivulâš škovlim já sämikielâ máttu (asâttâs 1727/95). Mij anneep áárvust naavcâid jiečânâs já huolâlii porgâmân, šiev oovtâstpargo- já vuáruvaikuttâstááiđuid, hárjánem proojeektpargoost sehe čielgâ kirjálii viestâdemtááiđu. Pargo miänástuvvee hoittám váátá sämimađhâšem já Laapi mađhâšemkiedi tubdâm sehe naavcâid aalmugijkoskâsii oovtâstpaargon.

Pälkki miärášuvá Sämitige pälkkivuáháduv vátávâšvuotâtääsi IV/III mield (vuáđupälkki olespargoääigist 2862,63 eurod/mp). Vuáđupäälhi lasseen máksojeh 24 % sämikuávlu lase sämikuávlust porgâdijn já pargohárjánem mield miärášuvvee hárjánemlaseh.

Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 10.6.2024 taan uuccâmluámáttuv peht (lekkâs uđđâ laasân).

Sämitigge lii finnim Vasan matka -haahân Máttááttâs- já kulttuurministeriö kulttuur- já kreatiivlij suorgij uđâsmem ráhtustoorjâ ruttâdem.

Lasetiäđuid pargoost addel haldâttâhhovdâ Pia Ruotsala-Kangasniemi, pia.ruotsala@samediggi.fi

Sämitige tooimân puáhtá uápásmuđ nettičujottâsâst www.samediggi.fi.

Ovdebij haavâi tooimân puáhtá uápásmuđ nettičujottâsâst https://matkailu.samediggi.fi/

Anarist 27.5.2024
Sämitigge