Sámediggi ohcá mearreáigásaš fidnoplánejeaddji Vasan matka – vásttolaš sámeturismma sertifikáhta -ovddidanfidnui

Bargu álggášii 1.7.2024 ja bistá gitta 31.6.2025 rádjai. Bargosadjin lea Sámekulturguovddáš Sajos, Anár, muhto barggu sáhttá maid bargat gáiddusin.

Fidnoplánejeaddji bargun lea válmmaštallat ovddit fitnuin álggahuvvon vásttolaš sámeturismma sertifikáhta kritearaid ja rávvagiid, ordnet čanusjoavkogullamiid báikkálaččaiguin ja sámeturismafitnodatdolliiguin, ráhkadit vásttolaš sámeturismasertifikáhta organisašuvdna málle dan geavadagaiguin ja fuolahit gulahallamis ja dieđiheamis, mat láktasit sertifikáhtii. Daid lassin fidnoplánejeaddji vástida fitnu ruhtadoalu ja ollašuhttima čuovvumis ja fidnoraportta čállimis.

Gelbbolašvuođagáibádussan lea heivvolaš skuvlejupmi, man doaibma eaktuda ja sámegiela máhttu (ásahus 1727/95). Mii atnit árvvus návcca iehčanas ja fuolalaš bargamii, buriid ovttasbargo- ja gulahallandáidduid, prošeaktabargohárjánumi ja čielga gielalaš dieđihandáiddu. Barggu ceavzilis dikšun eaktuda sámeturismma ja Lappi turismma doaibmasuorggi dovdama ja návcca riikkaidgaskasaš ovttasbargui.

Bálkkámáksin mearriduvvo Sámedikki bálkávuogádaga gáibádusdási VI/II mielde (vuođđobálká ollesbargoáiggis 2862,63 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat hápmašuvvet bargohárjánumi mielde.

Friddjahápmásaš ohcanreivve ja vejolaš ánsologahallama ja eará mildosiid galgá doaimmahit Sámedikki čállingoddái maŋimustá 10.6.2024 dán ohcamušskovi bokte (rahpasa ođđa ruvttui).

Sámediggi lea ožžon Vasan matka -fidnui Oahpahus- ja kulturministeriija kultur- ja kreatiivasurggiid ođasmuvvama ráhkadusdoarjja ruhtadeami.

Lassedieđuid doaimmas addá hálddahushoavda Pia Ruotsala-Kangasniemi, pia.ruotsala@samediggi.fi

Sámedikki doaimmaide sáhttá oahpásmuvvat neahttačujuhusas www.samediggi.fi.

Ovddit fitnuid doaimmaide sáhttá oahpásmuvvat neahttačujuhusas https://matkailu.samediggi.fi/

Anáris 27.5.2024
Sámediggi