Sääʹmteʹǧǧ ååcc mieʹrräiggsaž haʹŋǩǩõsplaanni Vasan matka – vaʹstteemvuõđlaž sääʹmturiism sertifikatt -õõuʹdeemhaʹŋǩǩõʹsse

Tuâjj äälǥči 1.7.2024 da peštt 31.6.2025 räjja. Tuâj väʹlddpäiʹǩǩen lij Sääʹmkulttuurkõõskõs Sajos, Aanar, leša tuâj vuäitt tuejjeed ougglõstuâjjan.

Haʹŋǩǩõsplaanni tuâjjan lij valmštõõllâd ääiʹjab haʹŋǩǩõõzzin alttuum vaʹstteemvuõđlaž sääʹmturiism sertifikaatt kriteeʹrid da vuäppõsteeʹkstid, jäʹrjsted čõõnâsjoukk-kuullmõõžžid pääiklaivuiʹm di sääʹmturismmpõõrǥâsniiʹǩǩivuiʹm, raajjâd vaʹstteemvuõđlaž sääʹmturismmsertifikaatt organisaatio maall vuõʹjjeezvuiʹm di ââʹnned huõl sertifikaʹtte kuulli saaǥǥtummšest da teâđtummšest. Lââʹssen haʹŋǩǩõsplaanni vaʹsttad haʹŋǩǩõõzz tällõõzz da čõõđviikkâm seuʹrrjummšest di haʹŋǩǩõsrapoort ǩeeʹrjtummšest.

Ââʹntemkaiʹbbjõsân lij tuâj õudldem šiõttlõs škooultõs da sääʹmǩiõl täidd (asetõs 1727/95). Ââʹnnep äärvast oodd jiõččnaž da tääʹrǩes tuejjummša, šiõǥǥ õhttsažtuâjj- da vuârrvaaiktemtääidaid, haʹrjjnummuž projeʹktt-tuõjju di čiõlgg ǩeerjlaž saaǥǥtemtaiddu. Tuâj oʹnstam håiddmõš kaiʹbbai sääʹmturiism da Lappi turiism ǩeeʹdd tobddmõõžž di oodd meeraikõskksaž õhttsažtuõjju.

Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/III mieʹldd (vuâđđpäʹlǩǩ tiuddtuâjjaaiʹjin 2862,63 euʹrred/mp). Vuâđđpääʹlǩ õõl määuʹset sääʹmvuuʹdest tuejjeen 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid.

Jiijjad maʹlle ǩeeʹrjtum ooccmõšǩeʹrjj di vueiʹtlvaž merittloǥstõk da jeeʹres meâlddõõzz âʹlǧǧe tooiʹmted Sääʹmteeʹǧǧ piisarkådda 10.6.2024 räjja mõõneeʹst tän ooccmõšlomaakk pääiʹǩ (ävvan ođđ ikkna).

Sääʹmteʹǧǧ lij vuäǯǯam Vasan matka -haʹŋǩǩõʹsse Mättʼtõs- da kulttuurministeria kulttuur- da kreevsõs suõʹrji oođeem raajâstuärjj teäggtõõzz.

Lââʹssteâđaid tuâjast oudd vaaldâšmjååʹđteei Pia Ruotsala-Kangasniemi, pia.ruotsala@samediggi.fi

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi..

Ääiʹjab haʹŋǩǩõõzzi toimmjummša vuäitt tobdstõõttâd neʹttaddrõõzzâst https://matkailu.samediggi.fi/

Aanrest 27.5.2024
Sääʹmteʹǧǧ