Sämitigge almoot uuccâmnáál Ijâttes ijjâ-festivaal párnáipeeivi meriáigásii proojeektpargee tooimâ
Proojeektpargee pargon lii västidiđ Ijâttes ijjâ -algâaalmugij muusikfestivaal párnái- já nuorâipeeivi vuáváámist, orniistâlmijn, ohtâvuođâ tolâmist tábáhtus uásálistei já uárnejeijei kooskâ, tieđeetmist já eres muuneeld rähtimnáál valmâštâlmijn. Ijâttes ijjâ -festivaal uárnejuvvoo 16.‒17.8.2024 Anarist, Sajosist.
Pargo álgá sopâmuš mield vyesimáánu aalgâst já pištá 23.8.2024 räi.
Proojeektpargee pargon lii västidiđ Ijâttes ijjâ -algâaalmugij muusikfestivaal párnái- já nuorâipeeivi vuáváámist, orniistâlmijn, ohtâvuođâ tolâmist tábáhtus uásálistei já uárnejeijei kooskâ, tieđeetmist já eres muuneeld rähtimnáál valmâštâlmijn. Ijâttes ijjâ -festivaal uárnejuvvoo 16.‒17.8.2024 Anarist, Sajosist.
Tohálâšvuotâiähtun lii pargo vaattâm hiäivulâš škovlim sehe sämikielâ máttu (asâttâs 1727/95). Pargo miänástuvvee hoittáámist iššeed hárjánem tábáhtusorniimist, šiev oovtâstpargo- já vuáruvaikuttâstááiđuh sehe nahcâ jiečânâs já huolâlii porgâmân.
Proojeektpargee pälkki miärášuvá Suomâ Sämitige pälkkivuáháduv vátávâšvuotâtääsi V/II miäldásávt (vuáđupälkki 2432,19 eurod/mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh. Proojeektpargee pargoäigi lii vyesi-kesimáánust 50 % olespargoääigist já syeini-porgemáánust 100 % olespargoääigist. Proojeektpargee toimâsaje lii Säämi kulttuurkuávdáš Sajosist.
Uuccâmreivâ sehe máhđulâš ánsuluvâttâllâm eres lahtosijguin kalga macâttiđ majemustáá 14.4.2024 taan ucâmušluámáttuv peht (liŋkkâ lekkâs uđđâ ruuvdun).
Lasetiäđuid pargoost addel sämimuusikkuávdáá vuávájeijee Oula Guttorm p. 040 667 4545, oula.guttorm(at)samediggi.fi
Sämitige tooimân puáhtá uápásmuđ čujottâsâst www.samediggi.fi já Ijâttes ijjâ-algâaalmugij muusiktábáhtusân čujottâsâst: www.ijahisidja.fi
Anarist 28.3.2024
Sämitigge
