Sámediggi almmuha ohcan láhkai mearreáigásaš Ijahis idja -festivála mánáidbeaivvi prošeaktabargi barggu

Bargu álgá soahpamuša mielde miessemánu álggus ja bistá 23.8.2024 rádjai.

Prošeaktabargi bargun lea vástidit Ijahis idja -eamiálbmogiid musihkkafestivála mánáid- ja nuoraidbeaivvi plánemis, ordnemiin, oktavuođadoallamis dáhpáhusa oassálastiid ja ordnejeaddjiid gaskka, dieđiheamis, eará ordnemiin, maid dahkat ovddalgihtii. Ijahis idja -festivála lágiduvvo 16.‒17.8.2024 Anáris, Sajosis.

Gelbbolašvuođaeaktun lea barggu eaktudan heivvolaš skuvlejupmi ja lassin sámegiela dáidu (ásahus 1727/95). Barggu ceavzilis dikšuma veahkehit hárjánupmi dáhpáhusaid ordnemii, buorit ovttasbargo- ja vuorrováikkuhusdáiddut ja nákca iehčanas ja fuolalaš bargamii.

Prošeaktabargi bálkkámáksin mearrašuvvá Suoma sámedikki bálkávuogádaga gáibádusdási V/II mielde (vuođđobálká 2432,19 euro/mb).  Vuođđobálkká lassin máksojuvvojit 24 % sámeguovllu lassi ja ahkelasit, mat mearrašuvvet bargovásáhusa mielde. Prošeaktabargi bargoáigi lea miesse-geassemánus 50 % ollesáiggebargoáiggis ja suoidne-borgemánus 100 % ollesáiggebargoáiggis. Prošeaktabargi doaibmasadji lea sámekulturguovddáš Sajosis.

Ohcanreivve ja vejolaš ánsologahallama ja eará mildosiid galgá máhcahit Sámedikki čállingoddái maŋimustá 14.4.2024 dán ohcamušskovi bokte (rahpasa ođđa ruvttui).

Lassedieđuid barggus addá sámemusihkkaguovddáža plánejeaddji Oula Guttorm t. 040 667 4545, oula.guttorm(at)samediggi.fi

Sámedikki doibmii sáhttá oahpásnuvvat neahttačujuhusas www.samediggi.fi ja Ijahis idja -eamiálbmogiid musihkkadáhpáhussii čujuhusas: www.ijahisidja.fi

Anáris 28.3.2024
Sámediggi