Sämitigge ocá meriáigásii proojeektpargee haahân: ”Tavesämikielâ riehtiopâlâš terminologia”
Proojeektpargee pargon lii ovdediđ tavesämikielâlii riehtioopâ terminologia, ovdediđ haldâttâhsyergi laavâi jurgâlusâi kvaliteet já ohtâlistiđ tavesämikielâ riehtioopâ sánáduv Suomâst já Taažâst. Haavâst selvâttuvvoo meid máhđulâšvuotâ normâdiđ sánáduv já meid haavâ juátkim. Proojeektpargee västid haavâ keevâtlijn orniistâlmijn sehe olášutmist já raapoort rähtimist.
Pargo álgáččij tállân já pištá kyehti mánuppaje älgimääigist ovdâskulij. Pargo lii máhđulâš porgâđ káiduspargon.
Tohálâšvuođâiähtun lii tooimâ vaattâm hiäivulâš škovlim já sämikielâ máttu (asâttâs 1727/95). Pargo miänástuvvee hoittám váátá riehtitiettuu mättim sehe hárjánem terminologia- já jurgâlempargoost. Mij anneep áárvust naavcâid jiečânâs já huolâlii porgâmân, šiev oovtâstpargo- já vuáruvaikuttâstááiđuid sehe hárjánem proojeektpargoost.
Pälkki miärášuvá Sämitige pälkkivuáháduv vátávâšvuotâtääsi IV/IV mield (vuáđupälkki 2810,27 eurod/mp). Vuáđupäälhi lasseen pargoost máksojeh 24 % sämikuávlu lase sämikuávlust porgâdijn já hárjánemlaseh pargohárjánem mield.
Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 14.5.2024 taan uuccâmluámáttuv peht (lekkâs uđđâ laasân).
Sämitigge lii finnim haahân Interreg Aurora hahâruttâdem.
Lasetiäđuid pargoost addel kielâtorvočällee Anne Kirste Aikio, anne-kirste.aikio(at)samediggi.fi.
Sämitige tooimân puáhtá uápásmuđ nettičujottâsâst www.samediggi.fi
Anarist 30.4.2024
Sämitigge
