Sámediggi ohcá mearreáigásaš prošeaktabargi fidnui: ”Davvisámegiela juridihkalaš terminologiija”
Prošeaktabargi bargun lea ovddidit davvisámegiela juridihka terminologiija, ovddidit hálddahussuorggi lágaid jorgalusaid kvalitehta ja standardiseret davvisámegiela juridihka sátneráju Suomas ja Norggas. Fidnus čielggaduvvojit maiddái sátneráju normerema vejolašvuohta ja fitnu joatkka. Prošeaktabargi fuolaha fitnu geavatlaš ordnedemiin ja ollašuhttimis ja maiddái raportta čállimis.
Bargu álggášii dalán ja dat bistá guokte mánotbaji álggaheamis. Barggu sáhttá bargat gáiddusbargun.
Gelbbolašvuođagáibádussan lea barggu dáfus heivvolaš skuvlejupmi ja sámegiel máhttu (ásahus 1727/95). Barggu ceavzilis dikšun gáibida juridihka dovdama ja hárjánumi terminologiija- ja jorgalanbargguin. Mii atnit árvvus iešheanalaš ja fuolalaš bargovuogi, buriid ovttasbargo- ja gulahallandáidduid ja hárjánumi prošeaktabargguin.
Bálká Sámedikki bálkávuogádaga gáibádusdási IV/IV mielde (vuođđobálká ollesáiggebarggus 2810,27 euro/mb). Vuođđobálkká lassin máksojuvvojit sámeguovllus barggadettiin 24 % sámeguovllu lassi ja ahkelasit bargohárjánumi mielde.
Friija ohcamušreivve ja vejolaš ánsologahallama ja eará mildosiid bivdit doaimmahit Sámedikki čállingoddái maŋimustá 14.5.2024 dán ohcanskovi bokte (rahpasa ođđa ruvttui).
Sámediggi lea ožžon fidnui Interreg Aurora fidnoruhtadeami.
Lassedieđuid barggus addá gielladorvočálli Anne Kirste Aikio, anne-kirste.aikio(at)samediggi.fi.
Sámedikki doaimmaide sáhtát oahpásmuvvat čujuhusas www.samediggi.fi
Anáris 30.4.2024
Sámediggi
