Sämitigge ocá meriáigásii Säämi parlamentaarlii rääđi proojeektpargee
Sämitigge ocá meriáigásii proojeektpargee Säämi parlamentaarlii rääđi čäällimkode pargoi hoittám várás.
Säämi parlamentaarlâš rääđi lii Suomâ, Taažâ já Ruotâ Sämitiigij já Ruošâ sämmilij parlamentaarlâš oovtâstpargo-orgaan. Rääđi oovdâst sämmilijd aalmugijkoskâsijn ohtâvuođâin já kieđâvuš aašijd, moh kyeskih sämmiláid algâaalmugin. Parlamentaarlii rääđi čäällimkode pargoi já eres toos lohtâseijee aalmugijkoskâsij aašij hoittám várás Sämitigge ocá meriáigásii proojeektpargee.
Pargo álgá sopâmuš mield já pištá aalgâst 31.12.2024 räi. Tohálâšvuođâiähtun lii tooimâ vaattâm škovlim já sämikielâ máttu (asâttâs 1727/95). Pargo miänástuvvee hoittám váátá šiev sämikielâ, suomâkielâ, táru- / ruotâkielâ tááiđu sehe tuđâttettee eŋgâlâskielâ njálmálii já kirjálii tááiđu.
Pargokován kuleh táváliih haaldâtliih pargoh sehe čuákkimornimij lasseen ohtâvuođâ toollâm sierâ enâmij Sämitiggijd. Pälkki miärášuvá Sämitige pälkkivuáháduv vátávâšvuotâtääsi VII-I mield (vuáđupälkki 1965,74 eurod / mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh. Tooimâst lii kuulmâ mánuppaje keččâlemäigi.
Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga macâttiđ 22.2.2024 räi taan uuccâmluámáttuv peht (lekkâs uđđâ laasân).
Lasetiäđuid pargoost addel aalmugijkoskâsij aašij čällee Inka-Saara Arttijeff, inka-saara.arttijeff@samediggi.fi.
Sämitige já parlamentaarlii rääđi tooimân puáhtá uápásmuđ nettičujottâsâst www.samediggi.fi.
Anarist 8.2.2024
Sämitigge
