Sääʹmteʹǧǧ ååcc mieʹrräiggsaž Sääʹm parlamentaarlaž suåvtõõzz projeʹktt-tuâjjla

Sääʹm parlamentaarlaž suåvtõs lij Lääʹdd, Taarr da Ruõcc sääʹmtiiʹǧǧi da Ruõšš säʹmmlai parlamentaarlaž õhttsažtuâjjorgaan. Suåvtõs eeʹttkâstt säʹmmlaid meeraikõskksaž õhttvuõđin da ǩiõttʼtââll aaʹššid, kook kueʹsǩǩe säʹmmlaid alggmeeran. Parlamentaarlaž suåvtõõzz tuâjjlažkåʹddtuâjai da jeeʹres tõõzz kuulli meeraikõskksaž aaʹšši håiddam diõtt Sääʹmteʹǧǧ ååcc mieʹrräiggsaž projeʹktt-tuâjjla.

Tuâjj älgg suåppmõõžž mieʹldd da peštt aalǥâst 31.12.2024 räjja. Ââʹntemkaiʹbbjõsân lij tuâj õõlǥtem škooultõs da sääʹmǩiõlltäidd (asetõs 1727/95). Tuâj oʹnstam håiddmõš oudldâstt šiõǥǥ sääʹmǩiõl, lääʹddǩiõl, taarr / ruõccǩiõll tääid di toođteei eŋgglõsǩiõl njäälmlaž da ǩeerjlaž tääid.

Tuâjjkoʹvve koʹlle takai vaaldšmallaš tuâj di sååbbarjäʹrjstõõllmõõžži lââʹssen õhttvuõđ âânnmõš jeeʹres jânnmi Sääʹmtiiʹǧǧid. Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz VII-I mieʹldd (vuâđđpäʹlǩǩ 1965,74 euʹrred/mp). Vuâđđpääʹlǩ õõl tuâjast määuʹset 24 % sääʹmvuuʹd lââʹzz säʹmmlai dommvuuʹdest tuejjummšest di tuõjju härjjnem mieʹldd meäʹrtõõvvi lõõʹzzid. Tuâjast ââʹnet koolm määnpââʹj ǩiččlõddâmääiʹj.

Jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe maaccted 22.2.2024 mõõneeʹst tän ooccmõšlomaakk pääiʹǩ (ävvan ođđ ikkna).

Lââʹssteâđaid tuâj pirr oudd meeraikõskksaž aaʹšši piisar Inka-Saara Arttijeff inka-saara.arttijeff(a)samediggi.fi.

Sääʹmteeʹǧǧ da parlamentaarlaž suåvtõõzz toiʹmmjummša vuäitt tobdstõõttâd neʹttaddrõõzzâst www.samediggi.fi.

Aanrest 8.2.2024
Sääʹmteʹǧǧ