Sámediggi ohcá mearreáigásaš Sámi parlamentáralaš ráđi prošeaktabargi

Sámi parlamentáralaš ráđđi lea Suoma, Norgga ja Ruoŧa Sámedikkiid ja Ruošša sámiid parlamentáralaš oktasašbargoorgána. Ráđđi ovddasta sámiid riikkaidgaskasaš oktavuođain ja gieđahallá áššiid, mat gusket sámiid eamiálbmogin. Parlamentáralaš ráđi čállingoddebargguid ja dasa laktáseaddji riikkaidgaskasaš eará áššiiddikšuma várás Sámediggi ohcá mearreáigásaš prošeaktabargi.

Bargu álgá soahpamuša mielde ja bistá álggos 31.12.2024 rádjai.  Gelbbolašvuođaeaktun lea barggu eaktudan skuvlejupmi ja sámegiela máhttu (ásahus 1727/95). Barggu ceavzilis dikšun eaktuda sámegiela, suomagiela, dárogiela/ruoŧagiela buori máhtu ja maiddái duhtadahtti eaŋgalsgiela njálmmálaš ja čálalaš dáiddu.

Bargogovvii gullá dábálaš hálddahusbargguid ja čoahkkinordnemiid lassin oktavuođa doallan sierra riikkaid Sámedikkiide. Bálká mearrašuvvá Sámedikki bálkávuogádaga gáibádusdási VII-I mielde (vuođđobálká 1965,74 euro / mb). Vuođđobálkká lassin máksojuvvojit 24 %:a sámeguovllu lassi sámiid ruovttuguovllus bargamis ja maiddái ahkelasit, mat mearrašuvvet bargohárjánumi mielde. Barggus čuvvojuvvo golmma mánotbaji geahččalanáigi.

Friijahápmásaš ohcanreivve ja vejolaš ánsologahallama ja eará čuvvosiid sáhttá máhcahit 22.2.2024 rádjai dán ohcanskovi bokte (rahpasa ođđa ruvttui).

Lassidieđuid barggus addá riikkaidgaskasaš áššiid čálli Inka-Saara Arttijeff, inka-saara.arttijeff(a)samediggi.fi.

Sámedikki ja parlamentáralaš ráđi doibmii sáhttá oahpásmit neahttačujuhusas www.samediggi.fi

Anáris 8.2.2024
Sámediggi