Sämitigge ocá nuorttâlâškielâlii oppâmateriaalvuávájeijee
Sämitigge almoot uuccâmnáál nuorttâlâškielâlii oppâmateriaalvuávájeijee virge.
Pargo álgáččij 1.11.2024 tâi sopâmuš mield.
Sämitige škovlim- já oppâmateriaaltoimâttuvâst láá vittâ oppâmateriaalvuávájeijee virge. Oppâmateriaalvuávájeijeeh pargeh oovtâst oppâmateriaalčällein já huolâtteh oppâmateriaalprojektij olášutmist já koordinisteh tom. Oppâmateriaalvuávájeijee västid oppâmateriaalij toimâttempaargon lohtâseijee pargoin. Oppâmateriaalvuávájeijee pargoh láá miäruštâllum Sämitige pargo-oornig 41 §:st.
Uuccâmnáál orroo oppâmateriaalvuávájeijee pargoost váttoo eromâšávt šiev nuorttâlâškielâ kirjálâš já njálmálâš máttu já nuorttâlâškulttuur tubdâm. Oppâmateriaalvuávájeijee toimâsaje lii Sämitige škovlim- já oppâmateriaaltoimâttuvâst, Anarist Säämi kulttuurkuávdáš Saijoosist.
Asâttâsân vuáđuduvvee tohálâšvuođâvátámâššân lii virge vaattâm škovlim já lasseen váttoo sämikielâ máttu (asâttâs 1727/95). Virge miänástuvvee hoittáámist iššeed hiäivulâš tođhos, vijđes nuorttâlâškielâ já nuorttâlâškulttuur tubdâm, pedagogisâš mättim, mättim proojeektpargoost já šiev oovtâstpargo- já vuáruvaikuttâstááiđuh. Mij vyerdip kiärgusvuođâ jiečânâs já ovdâsvástádâslii porgâmân sehe šiev tedduuhaldâšemnaavcâid.
Pälkki miärášuvá Sämitige pälkkivuáháduv vátávâšvuotâtääsi IV/IV mield (vuáđupälkki losijttáá 2810,27 eurod/mp). Vuáđupäälhi lasseen máksojeh pargohárjánem mield miärášuvvee hárjánemlaseh já sämmilij päikkikuávlust porgâdijn 24 % sämikuávlu lase. Virge tevdimist nuávdittuvvoo kuuđâ mánuppaje keččâlemäigi.
Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga macâttiđ Sämitige čäällimkoodán 27.10.2024 räi taan uuccâmluámáttuv peht (lekkâs uđđâ laasân).
Lasetiäđuid pargoost addel Sämitige haldâttâhhovdâ Pia Ruotsala-Kangasniemi p. 0108393106 já oppâmateriaalčällee Petra Kuuva p. 010 839 3119.
Sämitige tooimân puáhtá uápásmuđ nettičujottâsâst www.samediggi.fi.
Anarist 25.9.2024
Sämitigge
