Sääʹmteʹǧǧ ååcc nuõrttsääʹmǩiõllsa mättmateriaalplaanni

Tuâjj äälǥči 1.11.2024 leʹbe suåppmõõžž mieʹldd.

Sääʹmteeʹǧǧ škooultõs- da mättmateriaalkonttrest lie vitt mättmateriaalplaanni veeʹrj. Mättmateriaalplaanni tuejjee õõutsââʹjest mättmateriaalpiisrin ââʹneeʹl huõl da koordinââʹsteeʹl mättmateriaalprojeeʹkti čõõđ viikkmõõžž. Mättmateriaalplaanni vaʹsttad mättmateriaali tooiʹmtemtuâj pirrsaž tuâjain. Plaanni tuâj lie meäʹrtõllum Sääʹmteeʹǧǧ tuâjjriâššmõõžž 41 §:st.

Ooccâmnalla åårrai mättmateriaalplaanni tuâjast õudldet jeeʹrben šiõǥǥ nuõrttsääʹmǩiõl ǩeerjlaž da njäälmlaž silttummuž da nuõrttsääʹmkulttuur tobddmõõžž. Mättmateriaalplaanni tåimmpäiʹǩǩ lij Sääʹmteeʹǧǧ škooultõs- da mättmateriaalkonttrest,  Aanrest Sääʹmkulttuurkõõskõs Sajoozzâst.

Šiõttõsvuâđlaž  ââʹntem-mäinnan lij veeʹrj õudldem škooultõs da lââʹssen kaiʹbbjet sääʹmǩiõl tääid (asetõs 1727/95). Veeʹrj oʹnstam håiddmõõžžâst vieʹǩǩte ânnʼjõõvvi tuʹtǩǩõs, veiddsõs nuõrttsääʹmǩiõl ja nuõrttsääʹm kulttuur tobddmõš, pedagooglaž silttummuš, silttummuš projeʹktt-tuejjummšest da pueʹr õhttsažtuâjj- da vuârrvaaiktemtääid. Vueʹrddep vaalmâšvuõđ jiõččnaž, vaʹstteemvuõđlaž tuejjummša di šiõǥǥ teäddseännamoodd.

Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/IV mieʹldd (vuâđđpäʹlǩǩ lõõʹzzitaa 2810,27 euʹrred/mp). Vuâđđpääʹlǩ õõl tuâjast määuʹset tuõjju härjjnem mieʹldd meäʹrtõõvvi lõõʹzzid di  säʹmmlai dommvuuʹdest tuejjeʹmmen 24 % sääʹmvuuʹd lââʹzz. Veeʹrj teâuddmõõžžâst ââʹnet kuuđ määnpââʹj ǩiččlõddâmääiʹj.

Jiijjad maall mieʹldd ǩeeʹrjtum ooccmõšǩeʹrjj di vueiʹtlvaž merittloǥstõk da jeeʹres meâlddõõzz âʹlǧǧe tooiʹmted Sääʹmteeʹǧǧ piisarkådda 27.10.2024 räjja mõõneeʹst tän ooccmõšlomaakk pääiʹǩ (ävvan ođđ ikkna).

Lââʹssteâđaid tuâj pirr oudd Sääʹmteeʹǧǧ vaaldâšmjååʹđteei Pia Ruotsala-Kangasniemi t. 0108393106 da mättmateriaalpiisar Petra Kuuva t. 010 839 3119.

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.

Aanrest 25.9.2024
Sääʹmteʹǧǧ